Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Rruzarja blihet me zemrën

4
Foto: arkiv personal

Edhe sot e kësaj dite nuk e dimë se si është krijuar rruzarja /tespihe/. Ka mite të ndryshme. Sipas njërit prej tyre një budist i tha një indiani analfabet se duhet të lexojë 108 lutje. Indiani iu përgjigj se nuk mund të numërojë, prandaj budisti i përgatiti një tespihe prej 108 bërthamash duke i thënë se për çdo një lutje duhet të numërojë një bërthamë – na tregoi koleksionuesi S.V. nga Sofja. Rruzaren e parë ai e ka blerë që në moshën 14 vjeç. Tani, 50 vjet më vonë, ai po vazhdon ta plotësojë koleksionin e vet të vlershëm.

Rruzaret janë disa prej atributeve më të njohura në të gjitha fetë, të cilat përdoren për numërimin e lutjeve dhe mantrave. Ato që janë më të përhapura përbëjnë një fije të fortë prej mëndafshi apo leshi me një numër të caktuar nyjash, ose topash të vegjël të renditur të punuar prej materialesh të ndryshme:

Tespihet ortodokse, të cilat janë bërë në Malin e Shenjtë, janë prej leshi të zi. Janë me ngjyrë të zezë, që të tregohet në këtë mënyrë trishtimi se Krishti ka vdekur. Janë bërë prej leshi, sepse njerëzit kanë qenë të varfër. – na tregon koleksionisti. – Më vonë fillon prodhimi i tespiheve për më të pasurit gjatë kohës së Perandorisë Osmane. Rruzarja tashmë është prej qelibari dhe prej gurësh të tjerë të çmuar, ose gjysmë të çmuar dhe flet për statusin e pronarit. Këtu më e rëndësishmja është fundi i rruzares. Është i madh dhe i bërë preh mëndafshi të butë, derisa në botën ortodokse rruzarja është e zezë dhe mbaron me një kryq.

Rruzarja mund të jetë bërë prej bërthamash, agati etj.

Ekzistojnë tespihe të argjendta dhe madje të arta, por ato më tepër tregojnë kotësinë e pronarit të tyre.


Më të bukurat janë prej qelibari ose faturani. Faturani është rrëshirë prej pjesëzash qelibari, bakeliti etj., e cila ngjyroset me konjak, ose me verë të kuqe. Nganjëherë, që të ndryshohet ngjyra, shtohen bojëra artificiale. Për fat të keq kjo recetë u zhduk në Luftën e Dytë Botërore. Po them “për fat të keq” sepse faturani pasi ngrohet nga trupi fillon të lëshojë një erë shumë të këndshme. Kohët e fundit njerëzit janë pushtuar nga një mani – rruzares së bukur prej qelibari i vendoset një varg i argjendtë, derisa lëvizet – shënon S.V.

Një prej rruzareve më interesante në koleksionin e tij është bërë prej “usuri” – një lloj korali të zi, i cili quhet gjithashtu “pema e detit”. Ajo është më specifike për shkak të materialit dhe është vështirë të gjesh një rruzare të tillë të vërtetë.

Kam një rruzare shumë të bukur dhe interesante të bërë prej brirëve të buallit nga Afrika. Kam një tjetër të argjendtë nga babai im dhe disa me topa të ndryshëm të vegjël – prej argjendi, agati dhe oniksi. Një rruzare tjetër origjinale që e kam blerë në Ohër – ajo është prej sedefi.

Më shumë më pëlqen rruzarja me topa të verdhë të vegjël. Ajo nuk është diçka speciale, por më pëlqen ndoshta sepse ka një pamje më të vjetër – thotë koleksionisti dhe shton se sot rruzarja përdoret edhe si aksesor modern, edhe si një mjet kundër stresit, për përqendrim dhe për qetësimin e nervave.

Gjithmonë kam në xhepin tim një rruzare të vogël, me 8 topa të vegjël. Dhe kur mendoj për diçka, ose kur jam i lodhur e lëviz nëduar – thotë kryeqytetasi.

Në Bullgari, në dallim të Greqisë dhe Maqedonisë, rruzarja nuk është kaq e përhapur dhe nuk ka dyqane të specializuara, ku të shiten. Rrallë haset diçka që të tërheqë syrin dhe zemra jote të lëkundet – thotë koleksionisti.

A duhet të jesh fetar, që të kesh rruzare?

Në të kaluarën po, por tani nuk duhet – përgjigjet koleksionuesi. – Unë kam një koleksion prej rruzaresh dhe jam ateist. Çështja është nëse të pëlqen, nëse të qetëson, kjo është e rëndësishmja.

Foto: arkiv personal

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Galeria

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD