Mbi 6 miliona janë derrat e asgjësuar gjatë viteve të fundit në botë për shkak të murtajës afrikane të derrave. Në Bullgari për shkak të sëmundjes janë vrarë 203 mijë derra, tha ministrja e bujqësisë Desisllava Taneva në Berlin.

Në kryeqytetin gjerman ajo merr pjesë në ekspozitën botërore për mallra bujqësore “Java e Gjelbër”. Deri tani Bullgaria ua ka paguar 36 mln. euro në formën e kompensimeve fermave dhe bujqve të prekur dhe për masa parandaluese . Po pret bashkëfinancim nga Komisioni Evropian.

“Deri tani kemi marrë fonde evropiane  për përballimin e situatës me vlerë pak më shumë se 13 miln. euro dhe po presim 10 miliona më shumë”, sqaroi Ministrja. Në kuadrin e ekspozitës Taneva mori pjesë me raport të vet në një konferencë kushtuar murtajës afrikane të derrave.