Pasi dje presidenti Rumen Radev shpalli zyrtarisht se ia heq besimin qeverisë, sot forcat kryesore politike e komentojnë këtë temë.

Nga grupi parlamentar i partisë qeverisëse GERB deklaruan se sipas Kushtetutës së Republikës së Bullgarisë presidenti nuk ka kompetenca për t’i hequr besim qeverisë. Kompetenca të tilla kanë vetëm Kuvendi Populor dhe votuesit.

Nga “Patriotët e Bashkuar” komentuan se “nuk është mirë kur njeriu, i cili simbolizon unitetin e kombit nis luftë dhe bënë thirrje  për dialog dhe për normalizimin e marrëdhënieve ndërmjet institucioneve.

Lëvizja për të Drejtat dhe Liritë kundërshtoi vendimin e kreut të shtetit me argumentin se ai as heq as jep besim, vetëm ka të drejtën të shprehë mendime.

Grupi parlamentar i koalicionit të së majtës “Partia Socialiste Bullgare – për Bullgarinë” solidarizohet plotësisht me Presidentin.