Sofia Gjeorgjieva, e njohur vetëm si Sofia, gjen vendin e vet në skenën vendase të muzikës pop përpara më shumë se 15 vjetëve. Kënga e cila është bërë shkak që kjo të ndodhë është “Talismani blu” - një kompozicion i cili edhe sot e kësaj dite është një markë e ruajtur për këngëtaren pop. 2004-ta është viti kur ajo përgatiti albumin e vet debutues, që mban emrin e kësaj kënge. Pasuan këngë të cilat Sofia nuk i mblodhi në një album. Deri në vitin 2019 i cili është i rëndësishëm për këngëtaren, me qenë se ajo bëri një farë kthimi në skenën pop me albumin e vet të dytë, të titulluar “ Rruga drejt teje”. Albumi përmban 11 këngë dhe është në gjuhën bullgare.
“Rruga drejt teje” është kënga, me emrin e së cilës doli dhe albumi im i dytë. Muzika është e kompozuar nga Momçill Kolev, aranzhimi është i djalit të tij Kallojan, kurse teksti është i shoqes sime të mirë Lina Shishkova – tregon Sofia. Në këtë album kam mbledhur të gjitha këngët, të cilat i kam kënduar në periudhën e daljes së albumit tim debutues “Talismani blu” deri tani. Një shoku im i ngushtë është “fajtori” ti mbledh në një album, me qenë se nuk ndodhesha në një periudhë, në të cilën të kem një dëshirë të ngjashme. Kuptohet se tani fare nuk më vjen keq për këtë. Kënga e parë quhet “Për ty” dhe është në bazë të muzikës së të dy amerikanëve. Teksti është i Aleksandër Petrovit. Pason kënga “Motra e erës” – muzika dhe aranzhimi janë të Ivan Ivanovit, kënga “Jam e fortë” është e Krasi Todorovit, kurse në këngën “Frymë dhe zjarr” përsëri punoj me Momçill Kolevin, kurse teksti është i Jana Llazarovës. Unë jam konservative dhe prandaj emri më i përmendur në album është i Momçillit. Ai krijoi dhe këngën tjetër - “Ndahemi ngadalë”, përsëri me tekst të Aleksandër Petrovit. Kjo nuk është një befasi, me qenë se ai është një nga kompozitorët më të dashur prej meje të teksteve. “Imazhi në formë pasqyre” është një duet, të cilin e incizova me këngëtarin e njohur të xhazit Vasill Petrov. Muzika është e Ogi Cvetkovit, kurse bashkë me Lili Jonçevën realizuan dhe aranzhimin. Ajo më ndihmoi shumë kur isha në Londër, sepse këtë këngë e këndova vet fillimisht aty. Lili gjeti muzikantët dhe studion në të cilën kjo të ndodhë. Dhe pasi u ktheva në Bullgari , miku im – Panço Malezanov, dha idenë ta incizoj përsëri, kësaj radhe me Vasill Petrovin. Ai po kështu e pëlqeu këngën dhe në këtë mënyrë u formua një duet i shkëlqyer. Një kompozicion tjetër shumë i rëndësishëm për mua në këtë album është “Heshtje e kristaltë” me qenë se në të munda të përmbledh krijues jashtëzakonisht të mëdhenj, nga të cilët jam mësuar dhe i adhuroj. Përveç emrat tanimë të njohur mirë Momçill Kolev dhe Aleksandër Petrov, ndaj tyre u bashkuan Boris Karadimçev /aranzhim/ dhe Bobi Vëllçev /piano/. Jam shumë e lumtur se punova me ta, me qenë se mësova shumë.
Sofia ka një periudhë 5 vjeçare si të thuash “angleze” në të cilën ka qenë afër muzikës pop në Ishull. Megjithëkëtë ajo ka ruajtur stilin e vet muzikor. Në albumin “Rruga drejt teje” ndihet një ndikim nga new wave rryma. Prandaj ndihet dhe fryma e viteve 90, por me një muzikalitet modern të përshtatur me kohën, shton këngëtarja bullgare pop.
Përgatiti në shqip: Nataniela Vasileva
Për të pestin vit radhazi, Sofia Summer Fest - festivali veror i Sofjes - do të ofrojë përjetime të paharrueshme në kulmin e verës. Në Parkun e Jugut, në 30 ditët më të nxehta të sezonit, banorët dhe mysafirët e kryeqytetit do të kenë mundësinë të..
Në mes të verës së nxehtë, Ljubo Kirov nuk ndalet së krijuari. Menjëherë pas premierës së albumit të tij "Zemra e re" dhe shfaqjes së koncertit të tij në platformën HBO Max, këngëtari nisi turneun e tij kombëtar nën moton “Zemra e re 2024”. Këngëtari..
Më shumë se 40 vjet më parë, një këngë u bë simbol i miqësisë. Por edhe sot ajo na sjell ngrohtësinë e emocioneve pozitive - të qeshurat, gëzimi, lumturia... "Miq" është një nga hitet e para të formacionit vokal Tonika SV - u zgjodh si kënga e..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë..