Partneriteti energjetik në vijën Izrael-Qipro-Greqi është strategjik, tha kryeministri bullgar Bojko Borisov para presidentit të Qipros Nikos Anastasiadis, i cili ndodhet për një vizitë në Bullgari. Sofja përkrah projektin EastMed. Ai ka rëndësi të madhe gjeopolitike për zhvillimin e regjionit dhe të Evropës, theksoi zoti Borisov. Ndërtimi i lidhjes së gazit midis Greqisë dhe Bullgarisë është me rëndësi kyçe si një strukturë hyrëse për importin e gazit nga burime alternative në Evropën Juglindore, duke përfshirë edhe nga gazsjellësi i Mesdheut Lindor, shtoi kryeministri. Gjatë bisedimeve u shqyrtuan edhe tema aktuale evropiane mes të cilave migracioni, aderimi i Ballkanit Perëndimor, suaza shumëvjeçare financiare, ndryshimet e klimës.