Në klasifikimin “Liria në botë” të organizatës “Freedom House” Bullgaria merr 80 nga gjithsej 100 pika të mundshme. Vendi ruan rezultatin e vet nga viti i kaluar dhe është klasifikuar si “i lirë”. Për Bullgarinë thuhet se ka shumë parti, të cilat konkurrojnë në një sistem demokratik. Shteti vazhdon të luftojë korrupsionin politik dhe kriminalitetin e organizuar. Sektori i mediave mbetet pluralist, por përqendrim i pronësisë është një problem në rritje. Gazetarët ndeshen me rreziqe dhe kërcënime gjatë punës së vet. Minoritetet etnike, sidomos romët, janë diskriminuar. Megjithë mungesën e financimit grupet për të drejtat e shoqërisë janë aktive dhe kanë ndikim.