“Spitali i dytë i qytetit” në Sofje është shndërruar në qendër për luftimin e COVID-19”, tha Kryetarja e Bashkisë së Sofjes Jordanka Fandëkova. Atje do të pranohen dhe mjekohen rastet e konfirmuara të koronavirusit. Ndalohet shitja e biletave nga shoferët e autobusëve të transportit urban si masë parandaluese për luftimin e virusit. Forcohet kontrolli i fëmijëve dhe i personelit tek hyrja në kopshtet e fëmijëve si dhe masat e dezinfektimit. Bashkia e Burgasit u siguroi termometra elektronikë për matjen e temperaturës nga distanca të gjitha 49 shkollave dhe 33 kopshteve të fëmijëve në territorin e vet. Drejtorët kanë marrë urdhër për ta matur temperaturën e fëmijëve tek hyrja e kopshteve të fëmijëve dhe shkollave. Nuk do të lejohet hyrja e fëmijëve për të cilët ka dyshime se janë të sëmurë.