Kemi kapacitet dhe forca të përballemi me problemin e koronavirusit. Një shembull i tillë është Pleveni, i cili po bën të gjitha përpjekjet dhe mobilizon tërë potencialin e bashkisë së qytetit. Është me rëndësi të mos ketë ndërprerje të procesit teknologjik, tha Presidenti Rumen Radev duke vizituar një prej uzinave në rajon. Në Pleven u regjistruan dy raste të koronavirusit. Kreu i Shtetit bëri thirrje që të mos ketë panik dhe të mos ndërpritet jeta shoqërore. Mund të prodhojmë atë për të cilën kemi nevojë, deklaroi Kryeministri Bojko Borisov, i cili kontrolloi prodhimin e maskave mbrojtëse në Gabrovo. Në Gabrovo, i cili është një qendër e rëndësishme industriale në vend, gjithashtu ishin regjistruar dy raste të koronavirusit.