Kryeinspektori kombëtar i shëndetit publik Angell Kunçev komentoi para Radios Kombëtare Bullgare se provat e fundit pozitive të koronavirusit në Bullgari ripohojnë se mekanizmi kryesor i përhapjes së sëmundjes në vend është importi nga jashtë. Kjo ripohon se masat parandaluese për forcimin e kontrollit kufitar dhe vendosjen e karantinës janë adekuate. Bullgaria vazhdon të jetë një nga vendet më pak të prekura evropiane nga koronavirusi, por njëkohësisht me këtë është një nga vendet e para që shpalli gjendje të jashtëzakonshme, që të mund të ndërmerren masa më të shpejta dhe më efektive, theksoi Kunçev. Ndërkaq, ai paralajmëroi se gradualisht po arrijmë etapën e përhapjes së virusit brenda vetë shoqërisë bullgare.