Shtabi Operativ Ndërkombëtar për COVID-19 bëri të ditur se ditën e diel janë konstatuar akoma 8 raste të koronavirusit në Bullgari dhe ato tashmë janë 51. Qeveria bëri të ditur se po shqyrton masa për zbutjen e presionit të gjendjes së jashtëzakonshme mbi biznesin dhe intensitetin e punës. Ndër masat janë zgjatja e periudhës së mbylljes së kontabilitetit, si dhe ulja e tatimeve vendore dhe e disa taksave. Së bashku me Bankën Bullgare për Zhvillim kabineti do të propozojë masa për përkrahje të atyre bizneseve, të cilat janë në krizë likuiditeti për shkak të masave të qeverisë. Pritet që Banka Evropiane e Investimeve gjithashtu të shpallë masa nga të cilat të përfitojë biznesi bullgar. Ministri i Transportit Rosen Zheljazkov na siguroi se që nga mesnata e së martës do të kufizohen fluturimet nga Italia dhe Spanja. Bashkatdhetarët tanë, të cilët duan të kthehen në Bullgari nga këto vende deri në datën në fjalë, do të vendosen në karantinë. Është arritur marrëveshje me “Bulgaria Air” që në rast domosdoshmërie pas kësaj periudhe të realizohen fluturime deri në Itali dhe Spanjë për transportimin e shtetasve bullgarë.