Kryeministri Bojko Borisov bisedoi në telefon me Kryeministrin kinez Li Keqiang për pandeminë COVID-19. Borisov e përshëndeti Kinën për masat efektive kundër sëmundjes dhe për maskat mbrojtëse të dërguara nga Kina si ndihmë ndaj Bullgarisë. Li Keqiang falënderoi për përkrahjen e shprehur nga Borisovi në momentin më të rëndë të krizës në Kinë. Pekini është i gatshëm t’i dërgojë ndihmë Bullgarisë – maska, syze, doreza dhe mjete të tjera mbrojtëse, të destinuara për BE-në. Kryeministri kinez ka propozuar vendosjen e kontakteve me prodhues kinezë të mjeteve mbrojtëse dhe respiratorëve. Kështu Bullgaria do të mund të blejë numrin e domosdoshëm nëpërmjet ministrive të ekonomisë dhe tregtisë të dy vendeve.