17 janë të infektuarit e rinj me koronavirus në Bullgari. Numri i përbashkët i të sëmurëve tashmë është 127, tha gjen. Vencisllav Mutafçijski, i cili është shefi shtabit kombëtar për parandalimin e COVID-19.

Pacientja e parë e shëruar do të dalë nga spitali të shtunën.

Që nga 21 mars hyjnë në fuqi kufizime të reja kundër epidemisë. Ndalohen vizitat në parqe, ambiente për argëtimin e fëmijëve, vende për sport. Do të vendosen postblloqe në rrugët dalëse nga qytetet e mëdha dhe do të lejohet kalimi vetëm i njerëzve që udhëtojnë për në punë, të sëmurëve dhe atyre, të cilët kthehen në shtëpitë e tyre. Arsyet për udhëtim do të verifikohen me dokument të lëshuar nga punëdhënësi, dokument mjekësor apo letërnjoftim.

Njerëzit deri në moshën 60 vjeç nuk do të mund të vizitojnë dyqanet për ushqime apo farmacitë nga ora 8.30 deri më 10.00, sepse gjatë kësaj kohe njerëzit e moshuar do të blejnë produktet, për të cilat kanë nevojë.