Dhjetëra ankesa janë parashtruar në Gjykatën e Lartë të Kasacionit kundër urdhëresës së Ministrit të Shëndetësisë për mbajtjen e detyrueshme të maskave në vendet publike të hapura dhe të mbyllura. Ato janë parashtruar kryesisht nga avokatët me argumentet se masa kundër COVID-19 është në kundërshtim me ligjet në veprim dhe se shteti nuk i ka krijuar kushtet e domosdoshme për zbatimin e saj, siç është kërkesa në nenin 63 të paragrafit 4 të Ligjit për Shëndetin. Masa është në kundërshtim edhe me Ligjin për kufizimin e mbajtjes së veshjeve të cilat e mbulojnë, ose e fshehin fytyrën, i cili u miratua në vitin 2016. Sipas juristëve gjendja e jashtëzakonshme nuk anulon legjislacion funksionues në vend.