Nëpërmjet selisë së vet në Sofje Komisioni Evropian njoftoi se e ka miratuar skemën e garancive prej 255 mln eurosh në përkrahje të borxheve të vjetra dhe të reja të ndërmarrjeve të vogla dhe të mesme, të prekura nga kriza e Covid-19. Skema ka qëllim të kufizojë rreziqet e lidhura me dhënien e huave për ndërmarrjet e prekura më shumë nga pasojat ekonomike të krizës. Garancitë do të jenë në fuqi vetëm deri në fund të vitit, do të jenë për një afat prej 5 vitesh dhe do të mbulojnë deri në 80 për qind prej huave përkatëse.