“Akoma sot (26 prill) do të ndryshojmë urdhëresën për parqet e mbyllura. Secili kryetar bashkie do të vendosë se kur do ta fillojë ta zbatojë”, tha Kryeministri Bojko Borisov gjatë kohës së një eksperimenti për hapjen e parqeve.

Kryetarja e Bashkisë së Kryeqytetit Jordanka Fandëkova shtoi se parqet e Sofjes do të jenë të hapura që nga e hëna – 27 prill. Nga 9.30 deri më 18.30 në parqe do të mund të shëtitin prindërit me fëmijët e vegjël. Së bashku do të mund të lëvizen jo më shumë se 2 të rritur. Para dhe pas këtyre orëve në park do të mund të hyjnë njerëzit me qen dhe ata që ushtrojnë sporte.

Borisovi shtoi se ndoshta gjendja e jashtëzakonshme nuk do të hiqet para 13 majit. “Qëllimi ynë kryesor është të mos krijojmë presion suplementar mbi punonjësit mjekësorë”,  tha kryeministri.