Që nga dita e shtunë Greqia fillon hapjen e plazheve
Temperatura në Greqi po rritet. Pritet që në fundjavë të arrijë 40 gradë Celsius. Që nga e shtuna qeveria hap plazhet e organizuara duke u respektuar të gjitha rregullat për distancë. Nën një çadër plazhi duhet të ketë jo më shumë se dy shezlongje, ndërsa distanca mes turistëve duhet të jetë minimum një metër e gjysmë. Po shqyrtohet edhe mundësia për akses të lirë tek ishujt grekë nga data 25 maj.
Qeveria greke përshëndeti udhëzimet e Komisionit Evropian për përballimin e pasojave të krizës së Covid-19 në turizëm. Sipas zëdhënësit të qeverisë Stelios Petsas, Greqia është shteti i parë i cili shtroi çështjen për turizmin në dialogun evropian dhe në plan janë përfshirë shumë propozime greke.
Sllovenia rifilloi fluturimet ndërkombëtare
Që nga data 12 maj aeroporti ndërkombëtar në kryeqytetin slloven Ljubljanë u hap për fluturime, të cilat ishin ndërprerë për shkak të pandemisë së koronavirusit. Do të ketë nevojë për disa javë që të fillojë ritmi normal i punës i aeroportit sipas rregullave të reja. Ndalesa për fluturimet ndërkombëtare në aeroportet e tjera të vendit mbetet në fuqi të paktën deri në 12 qershor.
Sllovenia filloi heqjen graduale të masave kufizuese që nga data 20 prill. Pritet që një pjesë e nxënësve të kthehen në shkollë më 18 maj.
Qiproja hapi shkollat
Pas një ndërprerjeje prej dy muajsh për shkak të koronavirusit Qiproja përsëri hapi shkollat. Në dhomat e mësimit u kthyen vetëm nxënësit që janë duke mbaruar gjimnazin, ose teknikumin,për të cilat nga data 9 qershor fillojnë provimet shtetërore. Rikthimi i nxënësve në shkollë realizohet në respektim të kërkesave të rrepta për deszinfektim dhe higjienë personale. Në dhomat e klasës mund të ketë deri në 12 nxënës, të ulur nga një në tryezë në distancë mes tyre. Gjysma prej maturantëve do të shkojnë në shkollë të hënën, të mërkurën dhеtë premten, kurse gjysma tjetër – tëmartën dhe të enjten. Javën tjetër do të këmbehen. Nxënësit që mbeten në shtëpi do të kenë mësime online. Fëmijët e të gjitha klasave do të kthehen në shkollë më 21 maj, kur fillon faza e dytë e heqjes së masave kufizuese në Qipro.
Rumania aplikon gjendje shqetësimi
Me vendim të Parlamentit në Rumani aplikohet gjendje shqetësimi në lidhje me pandeminë e koronavirusit. Kjo gjendje mund të jetë në fuqi jo më shumë se 30 ditë, ndërsa gjobat për shkeljen e masave do të jenë maksimum 3100 euro. Mund të punojnë qendra tregtare me sipërfaqe deri në 15 000 metra katrorë, si dhe terracat e restoranteve duke u respektuar masat sanitare të sigurisë. Në qoftë se vendimi nuk apelohet në Gjykatën Kushtetuese, ajo mund të hyjë në fuqi nga data 18 maj.
Edi Rama: Mini-Shengeni do të forcojë bashkëpunimin në Ballkanin Perëndimor
Kryeministri i Shqipërisë Edi Rama deklaroi në një intervistë për televizionin e Zagrebit N1 se formimi i të ashtuquajturit “Mini-Shengen” në vendet e Ballkanit Perëndimor është një mënyrë e mirë e bashkëpunimit para aderimit të tyre në Bashkimin Evropian dhe se çështjet e pazgjidhura mes Prishtinës dhe Beogradit nuk duhet të jenë pengesë para bashkëpunimit të tyre ekonomik.
Rama nënvizoi se bashkëpunimi regjional është me rëndësi kyçe për integrimin evropian të Ballkanit Perëndimor dhe se është një ide e mirë që të ketë liri të lëvizjes së njerëzve, mallrave, kapitaleve dhe shërbimeve të këtyre shteteve para hyrjes së tyre në BE.
Përpiloi: Miglena Ivanova
Përgatiti në shqip: Vesella Mançeva
Sevlievo është "mbretëria e kungujve". Fruta e shijshme rritet me bollëk në këtë pjesë të Bullgarisë Veriore. Jo rastësisht vendasit i kanë kushtuar një festival të veçantë, i cili zhvillohet në kuadër të panairit vjeshtor të Sevlievos. Këtë vit..
27-vjeçari Cvetan Ivanov-Çoni - fitues i European Street Food Awards, konkursi i ushqimit në rrugë Bulgaria mori titullin "Sandviçi më i mirë" në finalen e garës evropiane në Saarbrucken të Gjermanisë, në konkurrencën e pjesëmarrësve nga 17 vende,..
Bullgaria po shkon në zgjedhjet e gjashta të parakohshme parlamentare në më pak se 4 vjet dhe kjo pengon debatin konstruktiv dhe ratifikimin e një konvente të rëndësishme të përgatitur nga Organizata Ndërkombëtare e Punës (ILO) dhe e pranuar nga 44..
Dhuna dhe bullizmi në shkollë është një problem aktual jo vetëm në Bullgari, por edhe në shumë vende evropiane dhe të tjera. Tetë vjeçari Johan..
Një nga subjektet e përdorura shpesh në filmat apokaliptikë të Hollivudit ka të bëjë me një asteroid të madh që do të godasë Tokën. Një..
Pikërisht 75 vjet më parë, përkatësisht në vitin 1949, vendi më i madh natyror i dëllinjës së pemës (Juniperus excelsa) në Evropë - "Tisa", që ndodhet..