Në pikën kufitare me Turqinë “Kapitan Andreevo” lëvizja e daljes nga vendi është intensive. Në kufirin turk nuk lejohet të kalojnë shtetas të huaj me veturë, mikrobusë, autobusë me përjashtim të shtetasve turq. Nuk lejohet kalimi i shoferëve të kamionëve, që janë shtetas të vendeve ku situata epidemiologjike është e rrezikshme. Nuk lejohet hyrja e shoferëve që kanë vizituar këto vende brenda 14 ditëve të fundit.

Në kufirin grek lejohet hyrja e shtetasve të huaj të cilët jetojnë ose punojnë në Greqi të vërtetuar me dokument zyrtar në gjuhën greke. Kufizimi nuk është në fuqi për shoferët e kamionëve. Përkohësisht u ndalua kalimi përmes pikës kufitare Zllatograd për shkak të situatës së ndërlikuar epidemike në Greqi.

Në kufirin me Rumaninë trafiku është normal. Pala rumune ndaloi kalimin e njerëzve dhe automobilave në pikat kufitare te Nikopoll, Svishtov, Kajnarxha, Krushqari, Kardam. Kamionët transite mund të kalojnë kufirin bullgaro-rumun te pikat kufitare Ruse-Gjurgevo dhe Vidin - Kallafat.

Në kufirin me Maqedoninë e Veriut dhe Serbinë trafiku i kamionëve është normal, nuk lejohet kalimi i veturave, mikrobusëve dhe autobusëve. Duke dalë nga Maqedonia udhëtarët mund të kalojnë vetëm përmes pikave kufitare Gjueshevo dhe Deve Bair.