“Koronavirusi ka ulur infektivitetin e vet. Regjistrohen gjithnjë e më shumë raste pozitive të Covid-19  pa simptoma të rënda”. Këtë e tha në intervistë për BNR inspektori i përgjithshëm shtetëror i shëndetësisë prof. asoc. Angell Kunçev në lidhje me numrin më të madh të të konfirmuarve të rinj me koronavirus gjatë 24 orëve të fundit – 104.

Ai shpjegoi se numri i të infektuarve të rinj do të jetë vendimtar për vendimet eventuale të ardhshme të lidhura me masa më të ashpra kufizuese dhe parandaluese.  Sipas fjalëve të tij po bëhet çmos për të mos ndërmarrë masa të rënda kufizuese. Përpjekjet e autoriteteve përgjegjëse tani për tani janë përqendruar mbi 5-6 vatrat e reja aktive të sëmundjes.

Angell Kunçev tha se pavarësisht nga komentet e bëra dje, nuk do të ndërpritet lëvizja në fshatin Izgrev në rajonin e qytetit verior Shumen, ku ndodhet njëra prej këtyre vatrave të koronavirusit.

Me rëndësi më të madhe sipas tij është respektimi i rregullave elementare të distancës sociale dhe dezinfektimit.