Në një analizë të përbashkët Instituti i Dyseldorfit për Makroekonomi, Instituti Ekonomik i Austrisë (WIIW) dhe instituti francez OFCE bëjnë thirrje për investimin e miliardëve, të cilët BE-ja do të përdorë për rimëkëmbje pas krizës së Covid-19, në dy projekte me rëndësi kyçe.

I pari është për hekurudhë transevropiane me shpejtësi të lartë, e cila do të lidhë të gjitha kryeqytetet evropiane. I dyti është “Rruga Evropiane e Mëndafshtit” – deri në Moskë dhe në shtetet e Kaukazit. Dy projektet kanë akse në territorin e Bullgarisë.

853 kilometra prej “Ultra-Rapid-Train” apo “Trans Europa Expres” duhet të kalojnë përmes vendit tonë dhe vlera e pjesës bullgare do të jetë 59% prej produktit aktual të brendshëm bruto të Bullgarisë, tregon analiza. Tërë gjatësia e projektit prej 18 250 kilometrash do t’i kushtonte Bashkimit Evropian 1,1 trilionë euro.