Tema kryesore e cila në këtë moment qëndron përpara të gjitha shteteve në Evropë dhe nëpër botë është se cilat janë mjetet më efektive për rimëkëmbjen e ekonomive. Pandemia dhe kufizimet të cilat pasuan pas kësaj ndikuan në mënyrë drastike mbi rritjen dhe përfshinë pothuajse të gjithë sektorët.
Pavarësisht nga masat shpëtimtare, të ndërmarra nga qeveritë, specialistët janë të një mendimi se recesioni si pasojë e koronavirusit do të jetë serioz. Sipas prognozës verore të Komisionit Evropian gjatë vitit 2020 ekonomia e Eurozonës do të regjistrojë një ulje prej 8,7%, kurse ajo bullgare do të ngushtohet me 7%.
Pavarësisht se ndërmori masa kundra shpërndarjes së koronavirusit, Bullgaria nuk i mbylli prodhimet plotësisht. Disa prej tyre, produktet e të cilëve kërkohen në tregun evropian dhe botëror, vazhdojnë të punojnë mirë. Ndërkohë, qeveria imponoi një varg masash, që të mos të lejojë një kolaps dhe të mund të ndihmohet rivendosja e ekonomisë. Startuan disa programe për kredi me interes të ulët me një periudhë të gjatë mospagimi, skema të granteve, si dhe programe për ruajtjen e vendeve të punës.
Krijimi i një harte interaktive “Ekonomia e Bullgarisë”- tanimë është e pranishme në sajtin e Ministrisë së Ekonomisë, është një nga masat në përkrahje të biznesit. Me ndihmë të saj sipërmarrës vendas dhe të huaj mundin shumë shpejt të orientohen se në cilin rajon të vendit tonë është më e përshtatshme të zhvillojnë një investim të ri. Përmes hartës mundet shumë lehtë të merret informacion për vendet e lira të punës, për lidhjen me transportin, për nivelet e rrogave, si dhe për numrin e nëpunësve potencialë të kualifikuar. Kështu në qoftë se keni luhatje për shembull nëse të investoni në qytetin Kjustendill ose në Pazarxhik dhe përcaktues për ju është çmimi i punës, mund të shikoni se ka rreth 100 leva dallim në rrogën mesatare në të dyja qytetet.
Në hartë janë shënuar po kështu numri i shkollave profesionale në rajon, rrugët e klasës së parë dhe autostradat, aeroportet, portet, si dhe objektet e tjera të infrastrukturës. Pavarësisht nga prioritetet e veta, ky instrument elektronik i ka dhe mangësitë e veta.
“Në hartë mungon një fotografi aktuale e punësimit në çdo një moment dhe ka vetëm tendenca të përgjithshme - sqaron Zheljaz Enev, drejtor i Drejtorisë “Politika Ekonomike” në Ministrinë e Ekonomisë.
Do të ketë një azhurnim të ri të informacionit në të ardhmen, por një nga vështirësitë është se çdo burim i të dhënave aktualizohet në kohë të ndryshme. Kjo mund të shkaktojë një farë konfuzioni, me qenë se një tregues qëndron në nivelin e vjetër, kurse një tjetër lëviz. Prandaj ne e rifreskojmë informacionin në një periudhë më të gjatë, duke marrë parasysh aktualizimin e të dhënave për ndërmarrjet dhe në këtë mënyrë nuk lejojmë mospërputhje në treguesit individualë.”
Të dhënat e përdorura në hartë janë nga masivet informative të Statistikës Kombëtare, Agjencisë së Punësimit, ministrive të shkencës dhe të arsimit dhe të transportit, Agjencisë “Infrastruktura Rrugore”.
Sipas Zheljaz Enevittë dhënat e fundit të Institutit Kombëtar të Statistikës për biznes klimën tek ne, tregojnë përmirësimin e saj modest. Pavarësisht se ka njëfarë luhatjesh mes biznesit, nuk ka një refuzim nga investimet, pohon përfaqësuesi i Ministrisë së Ekonomisë. Kështu, pavarësisht nga problemet, e provokuara nga pandemia, vendi ynë po vazhdon të jetë një destinacion i mirë për investime.
Përgatiti në shqip: Nataniela Vasileva
Foto: BGNESTregtia e produkteve bujqësore dhe ushqimore mes Bullgarisë dhe Kinës u rrit me mbi 37% në vitin 2023. Këtë e deklaroi ministri i bujqësisë dhe ushqimeve Georgi Tahov në hapjen e Forumit Bullgaro-Kinez të Biznesit në Sofje. Sipas tij, eksporti i..
45% e të rinjve në Bullgari preferojnë të punojnë për një punëdhënës bullgar, sipas një sondazhi përfaqësues kombëtar të kryer në maj nga agjencia e sondazheve të marketingut në internet JTN dhe Bulgaria Wants You (një platformë që synon të ofrojë..
Banka Botërore parashikon një përmirësim më të përmbajtur të rritjes ekonomike të Bullgarisë këtë vit dhe në vitin 2025. Në raportin e fundit “Perspektiva Ekonomike Globale”, institucioni pret një përshpejtim të lehtë të rritjes së PBB bullgar nga..