Radioja Kombëtare Bullgare © 2020 Të gjitha të drejtat janë të rezervuara

Bullgarë jashtë shtetit po bëhen gati për “stafetë të protestës”

Protestë në Bruksel
Foto: BGNES

Protestat me kërkesë për dorëheqjen e qeverisë dhe të prokurorit të përgjithshëm kanë një jehonë gjithnjë e më të gjerë jashtë shtetit - si mes mediave të huaja, kështu dhe mes diasporës bullgare.

Bullgaria mbetet në zemrën e pjesës më të madhe të bashkatdhetarëve tanë, por një pjesë e madhe prej tyre nuk duan që të kthehen, derisa të mos të ndodhin ndryshime radikale në drejtimin e vendit, deklaruan përpara Radio Bullgarisë bashkë organizatorë të protestave në qytetin gjerman Munih dhe në kryeqytetin austriak Vjenë. Me këtë motivacion ata aktivisht përfshihen në pakënaqësinë civile dhe nuk kanë ndërmend të heqin dorë. Në kryeqytetin austriak madje ka një grup të posaçëm të formuar, në të cilën është dhe Dimitër Mollovi.

Protestë në Berlin

“Ideja e organizatës sonë është që ajo t’u tregojë Evropës dhe botës se çfarë po ndodh në Bullgari - sqaroi ai. Një ditë ajo mund të ketë përfaqësi në Sofje dhe të ushtrojë presion mbi të gjitha administratat shtetërore mbi çështje më të rëndësishme për bashkatdhetarët tanë. Organizata jonë në asnjë mënyrë nuk është e angazhuar politikisht. Ne jemi bullgarë të vërtetë atdhedashës dhe çdo gjë të cilën e bëjmë është vullnetarisht.”

Ditën e diel do të ketë një protestë të tretë të bullgarëve në Vjenë, ku për herë të dytë do të jetë nën formën e një parakalimi nëpër rrugën kryesore dhe do të përfundojë përpara njërit prej simboleve të qytetit - Katedralës “Shën Stefani”. Organizuesit shpresojnë që parakalimi të kthehet në një farë stafete, ndaj së cilës bashkohen bullgarë dhe nga qytetet e tjera të botës.

Protestë në Vjenë

“Deri në këtë moment përkrahjen e vetpër një ide të ngjashme e kanë ripohuar bullgarët nga Londra, Oslo, Këln, Praga, Berlin, Madrid , Montreal dhe Vjena. Presim që ndaj organizatës sonë të përfshihen akoma Shtutgard, Munih, si dhe qytete nga Italia dhe Spanja. Kemi akoma disa ditë deri në ditën e diel, që të mund të aktivizohen dhe të tjerët. Parashikojmë të dalim me një peticion të përbashkët deri tek institucionet evropiane”.

Në një traditë po kthehet dhe protesta e ditës së diel e bullgarëve, përpara ambasadës së vendit tonë në Berlin. Gjatë javës së kaluar bashkatdhetarët tanë protestuan përpara centrales së Bashkimit të Krishterë Demokratik* në kryeqytetin gjerman, me pyetje drejt politikanëve - nëse janë të sigurt në përkrahjen e vet për partinë bullgare GERB.

Protestë në Londër

Një protestë të dytë po përgatisin më 2 gusht dhe bullgarët në Munih. Ajo po kështu do të kalojë nën formën e një procesioni, kurse bashkë organizatori Mirosllav Todorov pret që në të, të përfshihen rreth 200 veta. Janë të ftuar njerëz nga e gjithë provinca e Bavarisë. Krahas me kërkesat e përgjithshme, bullgarët në Munih këmbëngulin dhe për reforma në Ministrinë e Punëve të Jashtme.

“Ministria e Punëve të Jashtme, pavarësisht nga ndryshimet e bëra gjatë viteve, nuk është ajo që duhet të jetë, për një bashkësi të tillë si ajo bullgare jashtë kufirit. Ne duam dialog civil dhe për më tepër puna nëpër vende për hapjen e seksioneve të reja zgjedhore kudo, ku mund t’i ketë. Këmbëngulim për një sjellje adekuate nga ana e konsujve të përgjithshëm.”

Përgatiti në shqip: Nataniela Vasileva

Foto: dw - arkiv

Më shumë nga rubrika

Arsimi jashtë shtetit mbetet një mundësi për sukses për mijëra bullgarë

Masat restriktive për kufizimin e infektimit nga koronavirusi në të gjithë botën i detyruan milionë turistë të mbeten në shtëpi sivjet, por u treguan të pafuqishëm përpara dëshirës së shumë bullgarëve të rinj të nisen dhe të mësojnë në shkollat e larta..

botuar më 20-09-30 7.05.PD

Një ekspozitë ndërkombëtare për produkte mbrojtëse dhe siguri po fillon në Plovdiv

Biznesi bullgar i mbrojtjes takon partnerë evropianë dhe botërorë në kuadrin e edicionit të 14 të ekspozitës ndërkombëtare “Hemus-2020 – mbrojtje, antiterrorizëm, siguri”. Panairi ndërkombëtar Plovdiv është mikpritësi i aktivitetit, i cili do të..

botuar më 20-09-30 5.15.PD

Kartëmonedhat prej letre me vlerë dy leva dalin nga qarkullimi

Që nga data 1 janar 2021 kartëmonedhat prej letre me vlerë dy leva dalin nga qarkullimi . Vendimi është i Këshillit Drejtues të Bankës Popullore Bullgare, njoftoi reporterja Marta Mlladenova. Aktualisht janë në qarkullim emisionet e 1999-ës..

botuar më 20-09-29 6.10.MD