Sipas një studim të “Organizatës Kombëtare të Pacientëve” 59% e bullgarëve të moshës nga 19 deri në 64 vjeç janë duhanpirës. Pothuajse të gjithë prej të anketuarve pinë cigare dhe shumë pak prej tyre përdorin produkte duhani pa tym, ose cigare elektronike.

Sipas studimit 44% e duhanpirësve nuk duan të heqin dorë nga ky zakon i dëmshëm, ndërsa 41% kanë dëshirë ta pakësojnë pirjen e duhanit. Vetëm 10% kanë deklaruar se kanë hequr dorë nga zakoni i dëmshëm para një viti për shkak të efekteve mbi shëndet. Një pjesë e vogël e ish-duhanpirësve kanë pushuar të pinë cigare për shkak të shpenzimeve, efektit mbi të tjerët dhe ndalesave në vendet publike.