Me 98 vota “pro” të GERB dhe të “Patriotëve të Bashkuar”, 72 “kundër” dhe pa “të abstenuar” Parlamenti miratoi në lexim të parë projektligjin e GERB-it për ndryshime në Kodin Zgjedhor. Ndryshimet parashikojnë votim me makina në të gjitha seksionet e vendit, me përjashtim të atyre, ku votuesit janë nën 300. Në seksionet me votim me makina do të ketë mundësi edhe për votim me fletëvotime tradiconale prej letre. Projektligji parashikon ndalim të hapjes së seksioneve të votimit jashtë vendit në rast se është ndërprerë veprimtaria e përfaqësisë sonë diplomatike. Parashikohet gjithashtu mundësi për zgjatje të ditës zgjedhore jo më shumë sesa 48 orë në rast gjendjeje të vështirësuar epidemike, bëri të ditur BGNES.

Me 23 vota “pro”, 130 “kundër” dhe 19 “të abstenuar” deputetët hodhën poshtë propozimin e Lëvizjes për të Drejta dhe Liri (DPS) për heqjen e kutisë në fletëvotim "Unë nuk mbështes askënd" dhe kërkesën për “qëndrueshmëri” për zgjedhjet vendore dhe evropiane.