Zëvendës kryeministrja dhe ministre e punëve të jashtme e Bullgarisë Ekaterina Zaharieva është për një vizitë zyrtare në Hungari në lidhje me përvjetorin e 100 të vendosjes së marrëdhënieve diplomatike dypalëshe.

Me rastin e kësaj dite do të shënohet edhe Dita e Miqësisë Bullgaro-Hungareze.

Kjo është vizita e parë zyrtare e zonjës Zaharieva në Hungari.

Pritet ajo të bisedojë me ministrin hungarez të punëve të jashtme dhe të tregtisë Peter Sijarto. Të dy ata do të diskutojnë marrëdhëniet dypalëshe, bashkëpunimin ekonomik dhe energjetik, krizën me Covid-19 etj.

Në kuadrin e vizitës Ekaterina Zaharieva do të dekorojë me Shenjen e Artë të Nderit të Ministrisë së Punëve të Jashtme bullgarë dhe hungarezë të dalluar të cilët kanë kontribut në zhvillimin e marrëdhënieve dypalëshe.

Në ceremoni, e cila do të zhvillohet në Muzeun Kombëtar Hungarez, ministrja Zaharieva do të hapë një instalacion artistik me shkronjat bullgare.