Bullgaria duhet të jetë aktive në negocimin e marrëdhënieve të saj me Britaninë e Madhe pas Brexit, por të bazohet mbi interesat e përbashkëta të Bashkimit Evropian. Këtë pozitë mbrojti diplomati bullgar Ljubomir Kyçukov në intervistën e tij përpara Radios Kombëtare Bullgare.
Më 1 janar 2021 Britania e Madhe duhet zyrtarisht të ikë nga Bashkimi Evropian, kurse periudha e tranzicionit, në të cilën të mund të bien dakord për kushte të favorshme për të dy palët për dalje nga bashkësia, pothuajse përfundoi. Akoma e pazgjidhur mbetet çështja kryesore, në çfarë mënyre do të realizohen marrëdhëniet e përbashkëta tregtare midis Mbretërisë dhe Bashkimit Evropian.
Pavarësisht nga thirrjet për kompromis nga ana e udhëheqësve evropian në Bruksel, Londra mbetet e palëkundur, kurse kryeministri Boris Johnson paralajmëroi, se qytetarët dhe biznesi në vend duhet të jenë gati për Brexit pa marrëveshje. Ish ambasadori i Bullgarisë në kryeqytetin anglez Ljubomir Kyçukov komentoi përpara Radios Kombëtare Bullgare se, koha e pakët e cila po mbetet po kthehet në një pengesë edhe më të madhe përpara arritjes së marrëveshjeve të dëshiruara.
“Për dy muajt që po mbeten, kjo është e paarritshme, sepse sipas legjislacionit të disa nga shtetet anëtare, një marrëveshje e ngjashme duhet të ratifikohet në parlamentet e tyre kombëtare”-është kategorik Kyçukov. Pavarësisht nga paralajmërimet e Bashkimit Evropian, Britania e Madhe të mos të zhvillojë bisedime paralele me çdo një shtet veçmas, jemi dëshmitarë pikërisht të kësaj:
“Mbretëria e Bashkuar akoma që në fillim fare kërkonte mekanizma kompensimi për periudhën pas ikjes së vet. Përveç kësaj, jashtë Bashkimit Evropian u intensifikuan së tepërmi marrëdhëniet në drejtim të Indisë, të Shteteve të Bashkuara dhe të vendeve të tjera të mëdha.Bashkimi Evropian tregoi papritur dhe për atë vet unitet në ecurinë e bisedimeve dhe kjo është e rëndësishme, sepse mbron interesat e të gjitha vendeve. Kjo, të cilën një vend i veçantë mund ta arrijë në një plan bilateral si lëshime nga ana e Mbretërisë së Bashkuar, Mbretëria mund të humbasë shumë herë më shumë në sfera të tjera, në qoftë se nuk është e mbrojtur nga rregulla të përgjithshme, të miratuara nga Bashkimi Evropian.Në qoftë se nuk ka rregulla të përbashkëta për shtetasit e Bashkimit Evropian në Mbretërinë e Bashkuar pas Brexit dhe secila palë duhet t'i negociojë ato veçmas, atëherë do të biem në një situatë mjaft të rëndë”.
Do të duhet të mësohemi të mos përdorim nocionin Britania e Madhe, si zëvendësuese të Mbretërisë së Bashkuar, meqenëse Mbretëria e Bashkuar është bashkim midis Britanisë së Madhe dhe Irlandës Veriore, kurse Britania e Madhe përfshin Anglinë, Skocinë dhe Uelsin - sqaroi diplomati bullgar.
Përgatiti në shqip: Nataniela Vasileva
Foto: Pixabay dhe BGNESMoody's pret që Bullgaria të hyjë në Eurozonë jo më vonë se fillimi i vitit 2026. Sipas agjencisë së vlerësimit, rritja e ekonomisë bullgare në vitin 2024 do të jetë 2.9%. Kriza e vazhdueshme politike e brendshme dhe mundësia e zgjedhjeve të reja..
Depozitat në banka për tremujorin e parë të vitit 2024 arritën shifrën rekord prej 75.4 miliardë euro (150 miliardë leva). Nga janari në mars, depozitat u rritën me 1.35 miliardë euro (2.7 miliardë leva) ose me 1.8%. Rritja është kryesisht për shkak..
Qeveria e përkohshme e ngarkoi zëvendëskryeministren dhe ministre të financave Ljudmila Petkova që të paraqesë deri më 11 shtator një propozim për një ndryshim në Planin e Rimëkëmbjes dhe Qëndrueshmërisë sipas kapitullit REpowerEU. Kjo bëhet për të..
Nga 1 janari 2025, paga minimale për Bullgarinë do të jetë 1077 leva /550.66 euro/në vend të 933 levave aktuale /477.04 euro/, sipas një..