“Duam të japim një sinjal të fortë që BE e sheh Republikën e Maqedonisë së Veriut dhe mbarë rajonin ballkanik jo vetëm si pjesë gjeografike por edhe si jesë politike dhe ekonomike prej Evropës. Vendet e Ballkanit Perëndimor duhet që sa më të shpejtë të integrohen në BE.” Këtë e tha për BNR eurodeputeti nga Lëvizja për të Drejta dhe Liri dhe nga grupi “Rinovoni Evropën” në Parlamentin Evropian Illhan Kyçyk. Ai organizoi një konferencë virtuale me temë “Ballkani Perëndimor pas vitit 2020: Vendimet dhe veprimet në kohën e pandemisë”.
Ballkani Perëndimor është prioritet për Komision Evropian në veprim që nga fillimi i mandatit të saj, tha gjatë forumit komisionari evropian për fqinjësi dhe zgjerim Oliver Varhej. “E ardhmja e rajonit është në BE – kjo është si në interes të tyre ashtu edhe në interesin tonë. Pakoja për Zgjerim 2020 të cilën e miratuam bashkë me Planin Ekonomik dhe Investues paraqes pasqyrë të detajuar të reformave me prioritet që mbeten në thelbin e procesit të aderimit në BE.
“Komisioni Evropian ka angazhim ndaj Ballkanit Perëndimor me financim të madh – qoftë si mjete falas, qoftë si hua – tha Illhan Kyçyk para BNR dhe rikujtoi, se shuma e ndarë nga Komisioni Evropian për periudhën e tanishme të krizës i barazohet 3.3 miliard eurosh. “BE e ka të qartë problemet e mëdha para Ballkanit Perëndimor të lidhura kryesisht me krizën demografike, Ikjen e trurit dhe pamundësinë që popullsia e re dhe aktive të mbetet në territorin e Ballkanit Perëndimor”, shtoi ai.
Konferenca në fjalë përkon me periudhën e tensionit të dukshëm midis Bullgarisë dhe Maqedonisë së Veriut. Të dy vendet duhet të zbutin kontradiktat midis tyre deri më 10 nëntor kështu që para Maqedonisë së Veriut të hapet rruga e negociatave me BE-në. Para disa ditësh kryeministrja dhe ministre e punëve të jashtme Ekaterina Zaharieva në një brifing në Sofje tha se Bullgaria ende nuk është në gjendje të miratojë kornizën negociuese për Maqеdoninë e Veriut, pasi pala maqedonase shkel sistematikisht Marrëveshjen e Fqinjësisë së Mirë dhe krijon pengesa për investime bullgare dhe nuk bënë hapa për kapërcimin e gjuhës së urrejtjes.
Sipas illhan Kyçykut Brukseli e ka të vështirë të kuptojë bisedimet që zhvillohen midis Republikës së Maqedonisë së Veriut dhe Republikës së Bullgarisë.
Politika e zgjerimit ndihmon forcimin e pranisë së BE-së në skenën botërore. Ky është një investim gjeostrategjik në Evropën e qëndrueshme, të fortë dhe të bashkuar, tha lideri i Lëvizjes për të Drejta dhe liri Mustafa Karadajë, i cili ishte ndër pjesëmarrësit e konferencës. Ai tha se plani ekonomik dhe investues për rajon do të mobilizojë mjete për investime në transport, energjetikë, tranzicionin digjital dhe të gjelbër, fusha këto të cilët do të garantojnë rritjen e qëndrueshme dhe vende të punës.
Përpilues: Elena Karkallanova
Përgatiti në shqip: Svetllana Dimitrova
Foto: https: facebook.com/ilhan.kucuk.5
Në rezidencën "Bojana", ushtruesi i detyrës së kryeministrit dhe të ministrit të jashtëm, Dimitër Gllavçev i mirëpriti stafit diplomatik në pritje për Ditën e Dikaterit Diplomatik Bullgar - 19 korrik dhe 145 vjetorin e themelimit të shërbimit...
Importet e litiumit nga Serbia do të ndihmojnë BE-në të zvogëlojë varësinë e saj nga Kina Kancelari gjerman Olaf Scholz dhe nënkryetari i Komisionit Evropian i ngarkuar për energjinë Maros Ševçović do të vizitojnë..
Në Sozopoll, ku sot mori pjesë në ceremoninë solemne para Monumentit të Apostullit të Lirisë Vasill Levski, me rastin e 187-vjetorit të lindjes së tij , nënpresidentja Ilijana Jotova shprehu shpresën për formimin e një qeverie me të tretin..