Krijimi i librit “Vallja e Nestinarëve” fillon si një roman në realitet. Fillimisht në Radio “Sofja” , kurse pas kësaj dhe në eterin e programit “Hristo Botev” të Radios Kombëtare ku autorët tregojnë nga një kapitull nga përmbledhja. Për shkak të kësaj romani është realist. Veçoria tjetër është se është i krijuar jo prej një shkrimtari - por prej 12 , dhe këta janë kryesisht njerëz të rinj.
“Gjatë gjithë kohës punonim pa një plan paraprak sesi të zhvillohet tema kryesore dhe çdo një autor e llogariste vet sesi të zhvillojë historinë në kapitullin e vet, kështu që “Vallja e Nestinarëve” në fakt është fryt i një improvizimi - sqaron autorja e idesë për romanin Tanja Mirçeva.
Një vëmendje tërheq dhe tema e romanit, e cila është e lidhur me një nga traditat më interesante dhe origjinale bullgare – nestinarstvo (vallëzimi mbi prush).
“Vallja e nestinarëve” tregon për dy vajza, të cilat duke vallëzuar mbi fëngjet e prushit, këmbejnë vendet e tyre në kohë. Njëra kthehet në epokën e kryengritjes anti-bizantine të vëllezërve Asen dhe Petër nga viti 1185, që ka çuar deri në krijimin e Mbretërisë së Dytë Bullgare(1185 – 1396), kurse tjetra - bie në ditën tona. Në këtë mënyrë gjinia e fantazisë siguron lirinë e autorëve të përziejnë të kaluarën dhe të tanishmen dhe të kombinojnë motive të ndryshme, duke e pasuruar temën.
Por, ata të cilët nuk e pëlqejnë fantazinë, le të mos frikësohet të zgjasin dorën drejt librit. Në të ka dhe një histori romantike, dhe element kriminal, kurse Tanja Mirçeva është kategorike:
“Kjo është një histori për marrëdhëniet e përbashkëta njerëzore, e cila ve pyetjen nëse jemi kaq të ndryshëm nga paraardhësit tanë dhe çfarë na bashkon si njerëz dhe si popull”.
“Vallja e Nestinarëve” është romani i radhës, “i lindur” në eterin e Radios Kombëtare Bullgare. Që nga fillimi i iniciativës përpara më shumë se një dekade të tërë deri tani janë krijuar 36 radio-romane. Në krijimin e tyre kanë marrë pjesë shkrimtarë të njohur bullgarë dhe intelektualë si Bojan Biollçev, Palmi Rançev, Zdravka Evtimova, filozofi Nikollaj Vasilev dhe shumë të tjerë. Emill Janev, i cili është njëri nga baballarët e idesë, rikujton: Kaluam përmes pothuajse të gjitha gjinive –bëmë romane kriminale, të dashurisë, historike, fantastike dhe trillime shkencore, romane të parodisë...
Por, në thelbin e projektit qëndron ideja për improvizimin.
“Improvizimi, befasia, e papritura, shpejtësia e reagimit, sepse çdo gjë zhvillohej aty për aty në eter, në bisedë me drejtuesin e programit dhe shumë shpesh në këtë bisedë në mënyrë radikale ndryshonte qëllimi i autorit se çfarë pikërisht do që të tregojë”- kthehet ndaj fillimit Janev.
Ndërkohë “Vallja Nestinare” u botua dhe në libër dhe tanimë është në dispozicion të auditorit lexues.
Përgatiti në shqip: Nataniela Vasileva
Ichak Finci ka lindur më 25 prill, pjesë e të ashtuquajturit “brezi i artë” i aktorëve bullgarë. Për udhëtimin e tij 91-vjeçar në tokë, Icko Finci le gjurmë të dallueshme në jetën teatrale, filmike dhe kulturore bullgare. Ai ka lindur në Sofje,..
Bozhana Sllavkova fitoi konkursin më të madh ndërkombëtar të poezisë "Mili Dueli", duke qenë autorja e parë bullgare që fitoi çmimin e madh. Në edicionin e 9-të të konkursit morën pjesë 711 autorë nga 104 vende. Tre bullgarë arritën në 50-shen..
Krijuesi bullgar Dian Kostov transformon bazilikën më të madhe në Bruksel me ekspozitën-instalim “Udhëkryq – çmimi i zgjedhjes”, shkruan BTA. Skena 17 metra nga jeta e Krishtit dhe Virgjëreshës Mari, do të mund të shihen në fasadën e Bazilikës..
Ichak Finci ka lindur më 25 prill, pjesë e të ashtuquajturit “brezi i artë” i aktorëve bullgarë. Për udhëtimin e tij 91-vjeçar në tokë, Icko Finci le..