Një nga emblemat e qytetit Ruse - i njohur si qyteti më evropian dhe më i bukur bullgar, i pret miqtë e tij me një kupolë të artë të rinovuar. Bëhet fjalë për Panteonin e Rilindësve i ngritur në zemrën e këtij qyteti danubian. Ky monument i kulturës u rinovua kohët e fundit me mjete nga Projekti i Bashkëpunimit Transkufitar me Rumaninë fqinje. Për këtë qëllim u absorbuan më se 2.7 milion euro. Një pjesë prej mjeteve u shfrytëzuan për meremetimin e kështjellës së vjetër në qytetin rumun përtej Danubit - Giurgiu.
Panteoni i Rilindësve në qytetin Ruse përbën një tempull-eshtërore në të cilin ruhen kockat e 453 ndriçimtarëve të Rilindjes Kombëtare Bullgare dhe të pjesëmarrësve të shquar në luftërat.
Godina unike u ndërtua në vendin e varrezës së vjetër të qytetit. Përreth saj u formua një park i mrekullueshëm. Monumenti u inaugurua më 28 shkurt të vitit 1978 me rastin e përvjetorit të 100 nga Çlirimi i Bullgarisë nga sundimi turk.
Më mbresëlënës është prarimi i kupolës me sipërfaqe prej 155 metrash katrore. Larja e kubesë me flori vazhdoi më se një muaji. Për këtë qëllim u shfrytëzua flori nga 23.7 karatë. Në kuadrin e projektit u rifreskua edhe parku përreth tempullit-eshtërore, dhe u pastruan letrat me të cilat janë shkruar emrat e më se 400 mbrojtëseve të Rilindjes Bullgare. Në këtë godinë-monument u rregullua një ekspozitë.
Ka për t’u realizuar një itinerar i ri transkufitar turistik i cili do të përfshijë monumentet kulturore dhe historike të të dy qyteteve danubiane - Ruse dhe Giurgiu. Për këtë qellim parashikohet krijimi i një sajti atraktiv në ndihmë të udhëtarëve kureshtarë.
Përpilues: Veneta Nikollova
Përgatiti në shqip: Svetllana Dimitrova
Me përgatitjen e 1500 akulloreve me shurup qershie mbrëmjen e sotme në sheshin “Velbëzhd” në Kjustendill , nis Festivali i Qershisë . Programi do të zgjasë tre ditë, njoftoi korrespondenti i BNR në qytet Kirill Falin. Posaqërisht për..
Nga data 27 deri më 29 qershor, Sofja do të jetë kryeqyteti ballkanik i verërave. Edicioni i 13-të i Festivalit Ballkanik të Verës do të mirëpresë mysafirët në qytezën speciale të verërave përballë Pallatit Kombëtar të Kulturës (NDK). Vizitorët do..
A mund ta njihni Bullgarinë nga pamja e shpendëve, pa ndihmën e një droni apo avioni? Përgjigja është po, për këtë janë platformat panoramike. Ato janë ndërtuar lart në qiell dhe zbulojnë pamje mahnitëse të grykave, majave të mbuluara me..
Sofja raporton një rritje prej 7% të numrit të turistëve për gjysmën e parë të 2024. Rritja është 15% sipas bazës vjetore për vitin 2023, me trafik..