Programi i ditës

Radioja Kombëtare Bullgare © 2021 Të gjitha të drejtat janë të rezervuara

Ndihma evropiane për regjionet – zhdërvjelltësi dhe më pak burokraci në periudhën e re programore

Një temë prej radio-rrjetit evropian “Euranet plus”

Foto: eufunds.bg

Zhdërvjelltësi dhe pengesa më të pakta burokratike për periudhën e ardhshme të programeve operative - këto janë pjesë e efekteve të marrëveshjes së arritur në fillim të dhjetorit në kuadrin e rregullores për rregullat e përbashkëta për aksesin tek menaxhimi i fondeve strukturore të BE-së dhe administrimin e tyre. Komisioni Evropian, Parlamenti Evropian dhe Këshilli i BE-së kishin nevojë për dy vjet për të arritur marrëveshjen që do të lejojë që shtetet, komunat dhe beneficientët të kenë qartësi për kushtet dhe kërkesat që duhet të plotësojnë që të marrin financim evropian gjatë shtatë viteve të ardhshme.

Sipas eurodeputetit Andrej Novakov, tani është mjaft e qartë se si do të shpërndahen mjetet, të cilat arrijnë në 330 miliardë euro. Sidoqoftë, çfarë është më e rëndësishmja në rregulloren e përgjithshme për qasjen në to?

“Regjionet më pak të zhvilluara do të marrin 85% bashkëfinancim nga buxheti evropian, megjithë propozimin e parë prej 70% - thotë Andrej Novakov.- Bashkëfinancimi i rritur ndaj projekteve do të thotë më shumë mundësi edhe për buxhetet republikane të shteteve anëtare dhe për buxhetet vendase të bashkive tona. Për mua ishte me rëndësi se arritëm ta garantojmë transparencën dhe kontrollin mbi harxhimin e mjeteve evropiane – si sa u përket mashtrimeve dhe auditit unik, ashtu dhe sa i përket publicitetit të informacionit. Në kuadrin e kësaj rregulloreje Bullgaria do të marrë 11.5 mlrd euro, gjë që do të thotë 5 mlrd për zhvillimin regjional, 2 mlrd për investimet në punësim, 1.5 mlrd për mjedisin rrethues, 1 mlrd – për tranzicionin energjetik etj.”  

Ndër dobitë e marrëveshjes së arritur në kuadrin e rregullores për kornizën financiare shumëvjeçare të BE-së është thjeshtëzimi i procedurave burokratike, thotë eurodeputetja gjermane Constanze Krehl.

“Çdo një prej pjesëmarrësve në debatin mbi temë ankohej nga dokumentet e shumta që kërkohen për aplikimin për programet operative. Tani dokumentet do të jenë vetëm në kuadrin e vetëm 35 faqeve. Përveç kësaj të gjithë regjionet do të mund të marrin pjesë në mënyrë efektive në politikën regjionale, ndërsa mjetet e parashikuara janë të konsiderueshme.”

Fleksibiliteti në aplikimin e masave në varësi të nevojave është një arritje tjetër e rëndësishme, është i mendimit Heinz Hetmeier – përfaqësues i Presidencës gjermane të Këshillit të BE-së. Sipas fjalëve të tij në kushtet e Covid-19 politika e kohezionit të Bashkimit ka treguar se është një instrument i rëndësishëm për një reaksion të zhdërvjelltë në rrethana të paparashikueshme.

Siç tha Constanze Krehl asgjësimi i burokracisë e lehtëson punën e të gjithëve, të cilët përgjigjen për realizimin e politikës së kohezionit të BE-së në qytete, rajonet fshatare, në regjione, në shtetet-anëtare në përgjithësi. Rregullat e reja do ta bëjnë më të zhdërvjelltë shpërndarjen e resurseve. Do të ketë edhe mundësi për më shumë transferime mes regjioneve të ndryshme.” 

Përgatiti në shqip: Vesella Mançeva

Foto: eufunds.bg, BGNES, constanze-krehl.eu, zm-online.de

Më shumë nga rubrika

Rritje e shpalljeve për punë në distancë

Po vazhdon të vihet re një rritje e propozimeve për punë nga shtëpia, ose punë në distancë dhe pjesa e tyre gjatë muajit tetor është 13,5%. Shtimi kundrejt muajit të mëparshëm është me 7%. Për katër muajt e fundit kjo rritje është 29%, tregon një..

botuar më 21-11-07 10.35.PD

Perimet bullgare të serrës do të jenë një mirazh në dimër

Perimet bullgare preferohen për shkak të shijes së tyre, por dimri i ardhshëm me siguri do t'i detyrojë bullgarët të blejnë domate dhe tranguj tërësisht të importuar. Prodhuesit e serrave paralajmërojnë se tregu mund të mbetet pa perime të..

botuar më 21-11-04 3.57.MD

Për shkak të vaksinimit të ulët BERZH uli parashikimin për Bullgarinë

Banka Evropiane për Rindërtim dhe Zhvillim /BERZH/ parashikon se ekonomia e Bullgarisë do të rritet me 4.2% në 2021, duke kompensuar rënien me 4.2% në 2020. Kjo është një rënie në krahasim me vlerësimin e qershorit të BERZH-it, sipas të cilit..

botuar më 21-11-04 11.18.PD
Подкасти от БНР