Pas më shumë se dhjetë vjet pune Xhamia Tombul tërheq përsëri vëmendjen me shkëlqimin e saj që nga ndërtimi në vitin 1744. Arkitektura e tempullit mysliman të vendosur në qytetin Shumen është e ndikuar nga stili oriental "tulipani", i cili përfshin elemente të Barokut Francez.

Xhamia më e madhe tek ne u ndërtua me dhurime të Sherif Halil Pashës – pasha e fshatit Madara dhe prandaj mban emrin e tij. Legjenda tregon, se Sherif Halil Pasha ngriti këtë tempull mysliman nga pendimi, sepse shfaqi vrazhdësi në lidhjet me babanë e tij i cili pak pas kësaj u nda nga jeta.

Shtëpia e lutjes dallohet për çatinë e saj me kupolë, e cila ishte e vetmja në atë kohë. 99 shkallare të brendshme guri të rregulluara në mënyrë spirale çojnë në minaren e lartë 40 m, ndërsa kolonat nga pallati i khanëve të parë bullgarë në Pliska shërbejnë si kolona mbështetëse të xhamisë.

Tombul Xhamia është në listën e 100 Objekteve Kombëtare Turistike. Në se dëshironi të mësoni më shumë për këtë monument lexoni botimin “Restaurimi i Tombul Xhamisë, ose një histori e shkurtër për tempullin, kohën dhe njerëzit”.