Ministria e Punëve të Jashtme e Bullgarisë reagoi ashpër ndaj publikimeve në media për një flamur bullgar të djegur në Republikën e Maqedonisë së Veriut. Kjo ka ndodhur në fshatin Vevçani gjatë Karnavalit tradicional, i cili zhvillohet në Ditën e Shën Vasilit, sipas stilit të vjetër.
Zëvendëskryeministrja dhe Ministre e Punëve të Jashtme Ekaterina Zaharieva i ka dhënë urdhër Ambasadorit tonë në Shkup Angell Angellov për të shprehur para qeverisë së Shkupit indinjatën e madhe të Bullgarisë nga akti i vandalizmit. Ambasadori tashmë ka bërë një demarsh me gojë në MPJ-në e Maqedonisë së Veriut.
Më herët mediat në Shkup njoftuan se policia i ka dëbuar pjesëmarrësit në karnaval.
Karnavali në Vevçani është i njohur me gërshetimin e traditave pagane dhe atyre të krishtera me satirën e ngjarjeve aktuale politike.
Pas reaksionit të MPJ-së bullgare MPJ-ja e Shkupit dënoi aktin e vandalizmit. “Tradita shekullore nuk guxon të rrezikohet përmes aktiviteteve që nënçmojnë ose fyejnë popuj, shtete, në veçanti fqinjë tanë. E dënojmë djegien e flamurit të Republikës së Bullgarisë në Karnavalin e Vevçanit, akt që jo vetëm se e prishë renomenë e Karnavalit, por dëmton edhe imazhin e Republikës së Maqedonisë së Veriut” – thuhet në publikimin e MPJ-së maqedonase në Facebook.
Rumania po përpiqet të kufizojë bixhozin Parlamenti rumun miratoi një ligj që ndalon sallat e lojërave të fatit në vendbanimet me deri në 15 000 banorë, njoftoi Digi24. Ky është një kompromis në krahasim me projektin fillestar ambicioz të..
37.4% e bullgarëve do të votonin në zgjedhjet parlamentare nëse ato do të mbaheshin në fillim të prillit. 34.2 për qind do të merrnin pjesë në zgjedhjet për eurodeputetë, sipas një sondazhi përfaqësues të “Gallup International Balkan”, të kryer për..
Presidenti Rumen Radev nënshkroi dekretin për emërimin e qeverisë së përkohshme të propozuar nga Dimitër Gllavçev, i cili u propozua për kryeministër, sipas paragrafit 5 të nenit 99 të Kushtetutës. Presidenti caktoi zgjedhjet për eurodeputetë dhe..