Në një takim me përfaqësuesit e Shoqatës Kombëtare të Bashkive të Qyteteve në Bullgari, Presidenti Rumen Radev tha se kushti kryesor për zhvillimin e suksesshëm të vendit është pavarësia financiare dhe liria më e madhe në vendimmarrje në nivel lokal. Para presidentit, kryetarët e bashkive theksuan si probleme kryesore për vendbanimet e vogla dështimin sistematik për t’u marrë me krimin në familje dhe mungesën e qasjes në kujdesin shëndetësor. Ata kërkuan që “kujdesi shëndetësor të mos jetë një tregti, por një politikë shtetërore që arrin edhe vendbanimet më të izoluara”. Kryebashkiakët janë gati të përgatisin propozimet e tyre për ndryshime organizative dhe legjislative për të lehtësuar punën e autoriteteve lokale.