Radioja Kombëtare Bullgare © 2021 Të gjitha të drejtat janë të rezervuara

Aleksandër Zemcov: “Unë e dua Bullgarinë, do të doja të tingëllonte më shumë muzikë bullgare”

Foto: BGNES

Vetëm disa ditë qëndrim në Sofje arritën të akomodojnë të paktën tre ngjarje të rëndësishme muzikore me pjesëmarrjen e violinistit dhe dirigjent të famshëm Aleksandër Zemcov. Në sallën “Bëllgaria” ai drejtoi një program të Filarmonisë së Sofjes, me solist – Misha Majski. Ky është koncerti i dytë i Majskit dhe i Zemcovit tek ne, ai më përpara qe me Orkestrën Simfonike të Radios Kombëtare Bullgare.

Mbase duhet të rikujtojmë se të dy relativisht shpesh punojnë bashkë dhe deri në një shkallë të madhe vizitën e violonçelistit të madh ia dedikojmë dhe punës së tyre të mirë të përbashkët dhe miqësisë profesionale. Mendoj se një shkak i ngjashëm qëndron dhe pas vizitës së parë tek ne të pianistit Evgenij Kisin, koncerti i të cilit do të mbetet në histori  si një nga “fishekzjarrët” më të spikatura në skenën e sallës “Bëllgaria”.

Aleksandër Zemcov incizoi për Televizionin Kombëtar Bullgar dy krijime të reja bullgare, bashkë me klarinetisten  Denica Lafçieva dhe pianisten Borisllava Taneva, autore e njërës prej pjesëve. Incizimet, të cilat së shpejti do të transmetohen, janë një premierë botërore të krijimeve. Disa orë përpara se të largohet, ai zhvilloi dhe klasë mjeshtërie në violë në Akademinë Kombëtare Muzikore “Profesor Panço Vlladigerov”. Mori dhe shenjën e nderit dhe diplomë të rektorit të Akademisë për kontribut të jashtëzakonshëm për kulturën muzikore.

Midis angazhimeve të tij Aleksandër Zemcov dha një intervistë të shkurtër për Radio Bullgarinë:

“Unë e dua shumë Bullgarinë, e dua vendin, i dua dhe njerëzit. Unë jam qytetar i dy shteteve – Gjermanisë dhe Rusisë. Por nuk mund të them se, jam një gjerman absolut në Gjermani, as një rus  njëqind për qind në Rusi, ku jetova deri në moshën 16 vjeçare. Në Bullgari më pëlqen ky gërshetim i ngrohtësisë sllave dhe të përzemërsisë me përfytyrimet evropiane dhe vlerat. Që të gjithë e dinë se, bashkëshortja ime Denica Lafçieva është bullgare. Ne së shpejti do të festojmë 10 vjet nga dasma, por njihemi prej 14 vjetëve. Kështu që unë, jam një dhëndër bullgar dhe mund të më besoni. Më pëlqen të ekzekutoj, të drejtoj  në Bullgari, më pëlqen të pushoj këtu , më pëlqen të bisedoj me njerëzit, më pëlqen ushqimi bullgar”.  

Është marramendëse se, Aleksandri pa mësuar posaçërisht dhe pa qenë kjo gjuha kryesore në familje, flet shkëlqyeshëm bullgarisht, në të cilën u bindën që të gjithë të cilët qenë të pranishëm në klasën e tij të mjeshtërisë. Ai e njeh krijimtarinë e shumë kompozitorëve bullgarë, kurse përpara kohe qe interpretuesi i parë i një Koncerti për Violë dhe Orkestër të Emill Tabakovit.

“Më pëlqen shumë muzika, e cila bazohet mbi motive popullore - thotë Aleksandër Zemcov. Për shembull Bella Bartok , i cili ka rikrijuar folklorin hungarez, rumun, dhe bullgar. Kuptohet se, më pëlqen Panço Vlladigerovi, si dhe shumë kompozitorë të tjerë modern - nuk do të lë pa përmendur Emill Tabakovin dhe Dobrinka Tabakovën, e cila zhvillon një karrierë marramendëse në Londër. Për mua qe shumë emocionues takimi me muzikën e Dimitër Nenovit, të cilën e zbulova për veten time. Një përdorim i shkëlqyer i orkestrës, një nivel i lartë. Nuk mund të përmend që të gjithë, sepse emrat e kompozitorëve bullgarë nga shekulli i 20 dhe 21 janë të shumtë. Do të doja më shpesh të drejtoj krijime bullgare. Radhës tjetër kur do të kem koncert këtu, do të doja të interpretoj një krijim bullgar, dua që të tingëllojë më shumë muzikë bullgare”.

Përgatiti në shqip: Nataniela Vasileva

Foto: BGNES, Allbena Bezovska, binar.bg

Më shumë nga rubrika

Dëgjoni dhe zgjidhni këngët tuaja të preferuara nga “Eurovision”

Gjatë vitit 2021 shënojmë 65 vjetorin nga zhvillimi i konkursit të këngëve të “Eurovision”. Me këtë rast, kolegët nga radio televizioni holandez NPO kanë krijuar një platformë të veçantë digjitale, në të cilën spektatorë dhe dëgjues nga shtetet..

botuar më 21-05-09 8.15.PD

Vdiq këngëtarja Vanja Kostova

Një lajm të hidhur njoftoi kompozitori Stefan Diomov , me të cilin Vanja bëri disa nga këngët e saj më të bukura. Kurse djali i saj Bojan Mihajllov, me të cilin këndonin në duet, në vazhdim të orëve të tëra publikoi mbase dhjetëra fotografi dhe këngë..

botuar më 21-05-07 3.32.MD

80 vjet nga lindja e këngëtares operistike Gena Dimitrova

Ditë e Ushtrisë Bullgare, Ditë e Shën Gjergjit Trofeprurësi – festë e krishtere dhe folklorike, dita e gjashtë e majit shton edhe një solemnitet tjetër për adhuruesit e muzikës operistike nga gjithë bota. Në këtë datë 80 vjet më parë lindi..

botuar më 21-05-06 10.15.PD