Pavarësisht nga masat kundra epidemiologjike dhe nga koha më e freskët gjatë kësaj pranvere, kryeqytetasit i përmbushin rrugët, parqet dhe kopshtet, duke shijuar rrezet e para më të buta të diellit dhe pemët dhe shkurret me një gjelbërim të ndrojtur. Gjatë muajit prill Sofja shkund mantelin e saj gri dimëror, që të shkëlqejë me ngjyrat e pranverës. Kompozicionet prej luleve pranverore, të cilat do t’i gëzojnë kryeqytetasit dhe turistët gjatë javëve të ardhshme do të shpërndahen në më shumë se 10 dynymë nëpër të gjithë qytetin. Pjesa më e madhe e shtretërve të luleve do të zbukurojnë parqet dhe kopshtet e qytetit - njoftojnë nga bashkia e kryeqytetit.
Sivjet, me një nderim më të madh janë tulipanët dhe manushaqet. Për këtë qëllim në Sofje janë mbjellë mbi 200 mijë tulipanë, një pjesë nga të cilat janë import nga Holanda. Dhe akoma - 5200 manushaqe dhe luleshqerra /Bellis perennis/, 300 mijë trëndafila dhe më shumë se 2 000 shkurre shumëvjeçare do të gëzojnë sofjanasit.
Qilimat më spektakolar të tulipanëve rozë me tufa dhe të manushaqeve do të hapen përpara Pallatit Kombëtar të Kulturës, kurse nga Ura e të Dashuruarve do të shikohen rrethe me shkurre me një gjelbërim të përhershëm në një gërshetim me tulipanë të bardhë dhe bojë rozë. Gjatë lulëzimit të bulevardit të kryeqytetit “Evllogji dhe Hristo Gjeorgjievi” rreth kanalit të lumit Perllovska, janë përdorur varietete të ndryshme të tulipanëve të bardhë me tufa, në një gërshetim me luleshqerra të bardha, rozë dhe me tufa.
Figura me ngjyra dhe rreshta të hollë të barërave zbukurues, lule shumëvjeçare dhe njëvjeçare dhe shkurre me një gjelbërim të përhershëm do të larmojnë vijat e gjelbra të rrugës “Botevgradsko Shose” dhe do të shoqërojnë me kilometra ata të cilët hyjnë në Sofje.
Përpiloi: Veneta Nikollova
Përgatiti në shqip: Nataniela Vasileva
Foto: BGNES, Ani Petrova
Hapësira për art, kulturë dhe dialog "Topllocentralla" në Sofje po përgatitet për një mbyllje spektakolare të sezonit të saj të pestë me edicionin e pestë të festivalit emblematik "Topllo Fest". Nën moton "Lartë në qiell", qiftet shumëngjyrëshe..
Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një goditje të papritur të djathtës në Francë. “ Në vend të parë është i ashtuquajturi “Fronti i..
Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i bashkatdhetarëve tanë. Dy vjet më vonë, me iniciativën e Konsullatës së Përgjithshme të Bullgarisë, ajo u..
Hapësira për art, kulturë dhe dialog "Topllocentralla" në Sofje po përgatitet për një mbyllje spektakolare të sezonit të saj të pestë me edicionin e pestë..