Qeveria mbylli Shtabin Operativ Kombëtar për Covid-19
Shtabi Operativ Kombëtar për luftimin e Covid-19 u shpërnda sot. Kjo u njoftua nga shërbimi për shtyp i qeverisë. Shtabi u krijua me urdhër të Kryeministrit Bojko Borisov në fillim të pandemisë në shkurt të vitit 2020. Qëllimi i tij ishte të organizonte dhe koordinonte veprimet e autoriteteve shtetërore në luftën kundër epidemisë Covid-19.
Numri i të shëruarve po vazhdon të jetë më shumë sesa të infektuarit me Covid-19
2517 janë të infektuarit me koronavirus në vend për 24 orët e fundit. Kjo është 16.5% e 15 297 testeve të kryera, sipas Portalit të Unifikuar të Informacionit. Shumica e të infektuarve janë në qytetin e Sofjes – 599, pasuar nga Plovdivi me 228, Varna me 177 dhe Burgas me 161 të infektuar. Numri i rasteve aktive është zvogëluar në 68 707. Ka gjithashtu një rënie të lehtë në numrin e njerëzve të shtruar në spital me Covid-19 - 9685. Ka 807 pacientë në njësitë e kujdesit intensiv. Të vdekurit me koronavirus janë 125. Për të dytën ditë me radhë 3647 personat e kuruar tejkalojnë numrin e të infektuarve rishtazi. 14 882 njerëz janë vaksinuar në 24 orët e fundit. Numri i të vaksinuarve në vend është 605 377. 119 879 persona janë imunizuar me dozën e dytë.
Mbeten çadrat dhe shezlongjet falas në plazh
Praktika për çadrat dhe shezlongjet falas nga viti i kaluar është e mirë dhe funksionon dhe do të zbatohet edhe këtë vit. Kjo u deklarua nga Zëvendëskryeministrja në dorëheqje Marijana Nikollova për bTV. Biznesi i detit tashmë po përgatitet për fillimin e sezonit më 1 maj, duke respektuar rregullat e sigurisë të lëshuara nga Ministria e Turizmit. Komisioni Evropian pritet të miratojë një vendim të unifikuar për certifikatën digjitale jeshile, e cila sipas Zëvendëskryeministres do të sqarojë rregullat për hyrjen e të huajve. Atëherë autoritetet shëndetësore duhet të shpallin edhe rregullat sipas të cilave të huajit do të mund të hyjnë në Bullgari verën gjatë stinës turistike, shtoi Nikollova. Ajo nënvizoi se edhe sivjet do të shpresohet kryesisht tek turistët bullgarë.
Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.
Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.
Përpiloi: Diana Cankova dhe ekipi "Lajme"
Përgatiti në shqip: Vesella Mançeva
Bullgaria do të ndihmojë Ukrainën në procesin e rimëkëmbjes së infrastrukturës energjetike. Kjo u bë e qartë në takimin e ministrit të energjetikës Vlladimir Malinov me ambasadoren e Ukrainës në Bullgari Olesja Illashçuk. “Thellimi i bashkëpunimit në..
Lideri i GERB-it, Bojko Borisov, tha se nuk mund të ketë edhe një tjetër bashkëveprim me "Po e vazhdojmë ndryshimin - Bullgaria Demokratike" (PP-DB) pas zgjedhjeve. Në përgjigje të pyetjes së një gazetari në lidhje me një akuzë të bërë nga PP-DB se..
Po krijohet një Këshill për Koordinimin e Politikave për Bullgarët Jashtë Shtetit. Ky do të jetë një organ i përhershëm këshillimor i Këshillit të Ministrave, vendosi parlamenti në lexim të dytë me ndryshimet në ligjin për bullgarët që jetojnë..
Një qendër e re për mbrojtjen dhe përfshirjen e refugjatëve, emigrantëve dhe shtetasve të vendeve të treta u hap në Plovdiv. Qendra e quajtur..
Në 24 orët e ardhshme vranësira do të jetë e ndjeshme në pjesën më të madhe të vendit dhe do të ketë reshje shiu në shumë rajone të Bullgarisë Qendrore..
Të mërkurën temperaturat minimale në vend do të lëvizin ndërmjet 8 dhe 13°, në Sofje 9°. Pas mesnate, reshjet në të gjithë vendin do të zvogëlohen dhe..