Ne ndoshta nuk do të vaksinohemi kundër Covid-19 çdo vit

Probabiliteti që çdo vit të vihet vaksina kundër Covid-19 nuk është i lartë, komentoi për Radion Kardzhali Doc. Mihaill Okolijski. Ai sqaroi se shkencëtarët vazhdojnë të kryejnë kërkime dhe vëzhgime dhe aktualisht nuk ka prova në këtë drejtim. “Lajmi i mirë është se njerëzit e parë që u vaksinuan vitin e kaluar në atë kohë ende kanë mbrojtje të mirë, një nivel të mirë të antitrupave në organizëm”, tha specialisti. Sipas tij, ekzistojnë hipoteza se koronavirusi dobësohet dhe bëhet i ngjashëm me gripin sezonal, kundër të cilit duhet të vaksinohemi çdo vjeshtë për shkak të shtameve të ndryshme.

Covid-19 lë pasoja edhe te pacientët me simptoma jo aq të rënda

Nuk ka ndonjë të sëmurë me koronavirus me simptoma të rëndë apo mesatare te i cili të mos mbeten pasoja për gjithë jetën. Këtë e tha për bTV Dr. Donço Donçev nga Akademia Mjekësore Ushtarake, i cili një vit më parë u bë vullnetar në repartin Covid, u sëmur rëndë dhe pas shërimit të tij dhuroi plazmë shtatë herë për pacientët e tjerë. “Këtë vit nuk jam optimist për pandeminë dhe preferoj të jem më skeptik dhe i përmbajtur”, tha ai. Sipas tij, secila prej tri valëve të sëmundjes kishte karakteristikat e veta dhe tani mbizotëron rutina. Ne tashmë kemi infrastrukturë të mirë, pavijone të pajisura mirë me oksigjen, i cili shpëton shumë jetë. Shpresa për t’i dhënë fund pandemisë është tek vaksinat, përfundoi Dr. Donço Donçev.

Më pak se 7 për qind janë mostrat pozitive për koronavirusin

466 raste të reja të koronavirusit u zbuluan në 24 orët e kaluara nga 7086 testet e kryera, sipas të dhënave nga Portali të Unifikuar Informativ. Mostrat pozitive janë më pak se 7 për qind. Shumica e të infektuarve rishtas janë në Sofje - 100, në Stara Zagora - 54, në Varna - 44 dhe në Plovdiv - 43.

355 njerëz u shëruan, 45 njerëz vdiqën dhe 6790 pacientë u shtruan në spital, prej tyre 670 në njësitë e kujdesit intensiv. Njëmbëdhjetë mjekë u diagnostikuan me Covid-19 dhe nga fillimi i epidemisë numri i tyre u bë 13 183. Dje, u dhanë 5755 doza vaksine. Të Imunizuarit me një dozë të dytë numërojnë 215 074 veta.

Edhe Pashkët kishte njerëz që dëshirojnë të vaksinohen

Edhe Ditën e Pashkëve në mbarë vendin mbetën të hapura të ashtuquajturat korridore të gjelbra për njerëzit që duan të vaksinohen kundër koronavirusit. Madje kishte radhë përpara disa prej spitaleve. Në kryeqytet për imunizim pranuan spitalet më të mëdha.

Autoritetet shëndetësore siguruan se vaksina ADN do të ketë për të gjithë ata që dëshirojnë.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.

Përpiloi: Diana Cankova

Përgatiti në shqip: Svetllana Dimitrova