Radioja Kombëtare Bullgare © 2021 Të gjitha të drejtat janë të rezervuara

Punë të tepërt dhe një interes të gjallë për të drejtat e punës, konstatojnë ekspertët

Dr. Todor Kapitanov: Në Bullgari kushtet nuk janë të mira për realizimin e punës në distancë

Foto: arkiv

Pothuajse si me shaka juristët thonë se pas Ligjit për trafikun rrugor, ligji tjetër i shkelur më tepër në Bullgari është Kodi i Punës. Më shpesh për një  ndihmë juridike ndaj këshilltarëve ligjorë të sindikatave u drejtohen persona të cilët janë të pushuar nga puna ose janë detyruar të lënë punën e tyre, nuk kanë marrë rrogë për punën e kryer, njerëz të rinj, të cilët do të duhet të fillojnë punën e tyre të parë, ose punonjës, të cilët po i përgatisin dokumentet e veta për të dalë në pension. Viti i kaluar solli sfida të reja të papritura për të marrët në punë në pothuajse të gjitha sferat e veprimtarisë.

“Ashtu si punonjësit, dhe punëdhënësit u detyruan të njihen me shumë forma të reja të riorganizimit të punës dhe tema për mbrojtjen e të drejtave gjatë kohës së punës u bë mjaft aktuale”-thotë doktori Todor Kapitanov, ekspert në sferën e së drejtës së punës dhe krijues i platformës së specializuar  (www.mywork.bg) në ndihmë të të gjithë qytetarëve punonjës në Bullgari.

Тодор Капитанов

“Marrëdhëniet në një organizatë të punës varen kryesisht nga respektimi i kushteve të sigurta të punës, kohëzgjatja e punës e cila në kushtet e tanishme nuk llogaritet se është jashtë orarit. Një moment i ri është sindromi i të qenit gjithmonë në internet dhe pas orarit të punës, madje dhe në kohën e pushimit dhe kur shkon me pushime ti je vazhdimisht në një regjim pune. E dimë se ka mijëra platforma për komunikim, dhe kështu njeriu vet nuk mund të kontrollojë dhe të përshtatë kohën e vet të punës. Punëdhënësit shpërdorojnë me këtë gjë  që është një nga problemet e mëdha, që u azhurnua gjatë kohës së organizimit të punës në distancë në Bullgari.”

Pandemia ngriti çështje të rëndësishme, të lidhura me punën në distancë. “Doli se në Bullgari kushtet nuk janë të mira për realizimin e punës në distancë - vë në dukje Todor Kapitanov përpara Radio Bullgarisë. Shtëpitë e njerëzve nuk janë të përshtatura që të jenë një vend pune. Në zyrë njeriu disponon byro, karrige, ndriçim, organizim të punës. Në të njëjtën mënyrë kjo do të duhet të organizohet dhe në shtëpitë e njerëzve, por tek ne nuk mundëm plotësisht ta arrijmë. Përveç kësaj punëdhënësit heshtin rreth çështjes se kush duhet t’i marrë përsipër shpenzimet shtëpiake si korrent, internet e kështu me radhë, të nëpunësve të cilët punojnë në një mjedis shtëpiak. U konstatuan gjendje të shumta depresioni të punonjësve në një mjedis të mbyllur pune, mungesa e një mundësie për komunikime normale sociale dhe një izolim i madh nga jeta shoqërore. Konkluzioni është se dhe gjatë kohës së pushimit, njerëzit janë përsëri në vendin e tyre të punës. Që të gjitha këto gjëra vizatojnë një domosdoshmëri prej mekanizmave të kompensimit në legjislacionin bullgar.”

Sipas Todor Kapitanovit pozitivi më i madh në krizën e kovidit është se njerëzit panë që shëndeti dhe jeta e tyre janë më të rëndësishme. "Ata filluan të kujdesen më shumë për veten e tyre, ambientet u bënë më të pastra, filloi t’u kushtohet një vëmendje më e madhe kushteve jetike gjatë punës” - thotë eksperti i marrëdhënieve të punës.

“Më përpara rastiste të mos të respektohej e drejta për pushim mjekësor nga punëdhënësit. Kjo u ndryshua, tanimë secili i cili ndien shqetësime fizike arrin të riorganizojë ardhjen e tij në punë, përdorimin e raportit. Përsëri si pasojë e krizës u rrit kultura juridike e bullgarit. Kurse ky është një nga qëllimet e platformës sonë.”

Përgatiti në shqip: Nataniela Vasileva

Foto: arkiv

Më shumë nga rubrika

Pamje nga qyteti Kjustendill viti 1927 / Foto: Muzeu Historik Regjional Kjustendill

Një arkiv digjital do të ruajë gjallë historinë e trashëgimisë sonë industriale

Fabrika, pajisje hekurudhore, ura, thertore, të cilët kanë përfshirë në veten e vet historinë e zhvillimit të stuhishëm të industrisë nga dhjetëvjeçarët e parë të shekullit të kaluar, sot rrëzohen ose “vetëndizen” dhe shkatërrohen. Që të ruajë..

botuar më 21-06-12 12.45.MD

“Fryma e Luginës” – një makinë futuristike krijuar nga nxënësit

Një automobil unik që vihet në lëvizje me bateri elektrike krijuan nxënësit e Gjimnazit Profesional të Transportit dhe Menaxhimit të Transportit në qytetin Kazanllëk. Ai ka emisione zero dhe efikasitet të lartë energjetik. Kjo makinë u punua..

botuar më 21-06-12 8.15.PD

Lokomotiva më e re e Hekurudhave Shtetërore Bullgare mban emrat e dy mbretërve bullgarë

Lokomotiva më e re e Hekurudhave Shtetërore Bullgare, e cila është e 11 me radhë nga dorëzimi i 15 lokomotivave të reja Smartron, mbërriti para afatit para disa ditës në Bullgari dhe tashmë bëri disa udhëtime. Kjo është lokomotiva e parë e cila do..

botuar më 21-06-12 7.15.PD