Radioja Kombëtare Bullgare © 2021 Të gjitha të drejtat janë të rezervuara

Dita e Shën Gjergjit jashtë trapezës dhe paradës

Ditë e bukur e Pashkës, edhe më e bukur e Shën Gjergjit!

Foto: BGNES

6 maji në Bullgari është një festë e madhe – është dita e Shën Gjergjit!

Dita e Shën Dëshmorit të Madh Gjergji Fitimprurës është festë e trimërisë dhe e Ushtrisë Bullgare.

Kjo është dita në të cilën vihet fillimi i gjysmës verore të punës fushore, e cila përfundon ditën e Shën Dhimitrit më 26 tetor. Në besimet popullore bullgare Shën Gjergji konsiderohet mbrojtës i lagështisë pranverore dhe pjellorisë, ai zhbllokon burimet duke mundur dragoin, rrethon dhe mbikëqyr fushat dhe të mbjellat. Shën Gjergji konsiderohet mbrojtës i bujqve dhe më në veçanti i barinjve dhe kopeve. Ja përse 6 maji është festa e tyre.

Shën Gjergji Trofeprurësi është një nga martirët e parë më të respektuara të Krishterimit. Ai jetoi në fund të shekullit të tretë dhe në fillim të shekullit të katërt. Gjatë sundimit të Perandorit Dioklecian ai udhëhiqte ushtarët e Perandorisë Romake dhe përmes virtyteve të tij si udhëheqës arriti titullin e tribunit vetëm në moshën 20 vjeç. Ai u vra në vitin 303 për besimin e tij të krishterë.

Në shikim të parë, Shën Gjergji kishte gjithçka për të cilën synojmë në botën tonë sot - pozitë, postë të lartë, njohje, pasuri. E megjithatë Ai i braktisi ata në emër të së vërtetës, se Krishti i Ringjallur është bartësi i rrugës, drejtësisë dhe dashurisë në të cilët mund të mbështetemi përgjithmonë.

“Vetëflijimi është çelësi magjik, i cili na hap derën – thotë dr. Zllatina Karavëllçeva nga Qendra për Iniciativat Arsimore “Dveri”. – Nuk është sekret se sot kemi qëllim të arrijmë sa më shumë me një çmim sa më të ulët. Por në qoftë se nuk besojmë në kauzën tonë dhe në sakrificën tonë ne nuk mund të arrijmë asgjë dhe këtë e ripohon jeta e çdo një shenjtori.”

Ikona të Shën Gjergjit si kalorës që godet një dragua të lig me një shtizë të gjatë, mund të shihetn në çdo kishë ortodokse në Bullgari. Ka shtatë manastire të mëdha që mbajnë emrin e tij - 6 janë në Bullgari dhe 1 në Aton, ndërsa kishat janë dhjetëra. Njëra prej tyre kisha “Shën Gjergji Fitimprurësi” ngrihet në lagjen Kollusha të qytetit Kjustendill, në rrëzë të Malit Osogovo. Ajo u shpall monument kulturor dhe arkitektonik me rëndësi kombëtare.


Përpilues: Vesella Krësteva

Përgatiti në shqip: Svetllana Dimitrova


Më shumë nga rubrika

Banja Qendrore e Sofjes

Një shëtitje në Montmartre të Sofjes

Kryeqyteti bullgar Sofja ka pësuar shumë ndryshime në pamjen e tij arkitektonike që nga shpallja e tij si qendër administrative, kulturore dhe publike e vendit në vitin 1879. Me gjithë  kalimin e pamëshirshëm të kohës dhe ndryshimet që sjell me..

botuar më 21-09-17 7.15.PD

Plovdivi – qyteti i Bashkimit

Në sheshin “Sëedinenie” (Bashkim) në qytetin Plovdiv është ngritur një monument mbresëlënës , që të kujtojë ngjarjet historike të vitit 1885 , kur Bullgaria arriti të ribashkojë dy gjysmat e saj – Rumelinë Lindore dhe Principatën e Bullgarisë...

botuar më 21-09-05 2.05.MD

Muzeu “Hipokrat” paraqes hapat e parë të farmacisë moderne në Bullgari

Koleksioni i cili na transferon në kohën nga fundi i Perandorisë Osmane dhe dekadat e para të Bullgarisë së sapo çliruar (fundi i shekullit XIX), është   vepër e një grup farmacistësh nga Plovdivi. Ata e shëtitën Bullgarinë Jugore për të mbledhur..

botuar më 21-09-04 6.00.PD