Radioja Kombëtare Bullgare © 2021 Të gjitha të drejtat janë të rezervuara

“MuzikArtisimo Fest” – i ri dhe i ndryshëm

Milla Pavllova: Për të ruajtur anën shpirtërore duhet të punojmë me shumë zell

Milla Pavllova
Foto: “MuzikArtisimo Fest”

“Solo” është titulli i parë në programin e forumit të ri për muzikë të dhomës. Me të më 15 maj në Galerinë e Arteve të Qytetit hapet “MuzikArtisimo Fest”. Do të dëgjojmë pjesa solo për violinë nga Bach, Niccolo Paganini, Eugene Ysaye dhe Andre Jolivet në ekzekutim të Svetlin Rusevit - një nga violinistët më të njohur modern, koncert mjeshtër i Orkestrës Zvicerane Romane.

Drejtoresha artistike e festivalit është Milla Pavllova - një flautiste e famshme, një pjesëmarrëse shumëvjeçare në kuintetin  “Pilekadone”, iniciatore dhe organizatore e Festivalit “Ditë të muzikës në shtëpinë e Ballabanovit” në qytetin Plovdiv

Ajo tregon se ideja për “MuzikArtisimo fest” ka lindur relativisht prej shumë kohe, kurse edicioni i parë ka qenë i parashikuar për fundin e vitit të kaluar. Ajo tregon po kështu, se prej viteve do që të bëjë një farë ure festivalesh midis qyteteve Plovdiv dhe Sofja, duke prezantuar në kryeqytet disa nga koncertet në Shtëpinë e Ballabanit, si dhe programe të përgatitura posaçërisht, të caktuara vetëm për skenën e kryeqytetit.  

“Mbase tani erdhi momenti që të mund ta realizojmë këtë - thotë Milla në një intervistë për Radio Bullgarinë. Kemi përkrahjen e Fondit Kombëtar “Kulturë” dhe jemi shumë mirënjohës. Të dy festivalet do të zhvillohen në kohë të ndryshme dhe me programe të ndryshme. Ajo e cila i bashkon  është cilësia e lartë e ekzekutuesve, si dhe deri tani nuk do të bëjmë kompromis. Gjithmonë kam pohuar sesa më shumë ngjarje muzikore ka, kaq më e madhe është larmia në skenën kulturore, kaq më mirë ne e kryejmë punën tonë. Që të mund të ruajmë anën shpirtërore, duhet të punojmë me shumë zell”.

Zgjedhja e ekzekutuesve fillon me “Solo” të Svetlin Rusevit.

“Një nga ëndrrat, të cilat po realizojmë, është ky koncert i jashtëzakonshëm. Një ngjarje unikale! Krijimet më të vështira për solo violinë, të mbledhura në një program, kurse Svetlin Rusevi është mes violinistëve më të mëdhenj të kohës sonë. E dëgjuam gjatë vitit 2019 në qytetin Plovdiv. Mund të përfytyroni se çfarë energjie, çfarë mjeshtërie kërkohet nga ekzekutuesi  -të qëndroje përpara publikut vet, vetëm me profesionalizmin e tij dhe me karizmin e tij të madh.

Në ditën tjetër është koncerti i ekzekutuesve fare të rinj - nxënës dhe studentë, të cilët kanë fituar dekorata prestigjioze nga konkurse tona dhe ndërkombëtare, emra, të cilat duhet të vihen re, sepse janë e ardhmja jnë. I tillë është dhe emërtimi i koncertit “E ardhmja për Bullgarinë”

Do të prezantojmë Ivajllo Vasilevin - piano, Llora Markova - violinë, Viktor Teodosiev – briri francez, Demetra-Anxhalika - perkusione, Momçill Pandev - violonçel.

Koncertin e tretë e quajtëm “Zërat e arta bullgare lëvdojnë Boris Hristovin”. Ai është pikërisht në 18 maj - ditën e ditëlindjes së basit të madh bullgar. Marrin pjesë këngëtarë të rinj, të cilët kanë fituar njohje dhe në skenën botërore - Bozhidar Bozhkillov, Violeta Radomirska, Mihaill Mihajllov, Stefani Krësteva.

Në këtë etapë njoftojmë vetëm tri koncertet e para. Tani së shpejti do të shpallim dhe të tjerët. Presim që të gjithë adhuruesit e muzikës së bukur në koncertin “Solo”- ju siguroj askënd nuk do të dëgjoni një koncert të ngjashëm”.

Përgatiti në shqip: Nataniela Vasileva

Foto: “MuzikArtisimo Fest”

Më shumë nga rubrika

Fillon Xhaz Festivali në Stara Zagora

Edicioni i nëntë i Festivalit Ndërkombëtar Xhaz Forum , i cili është pjesë e kalendarit kulturor të Bashkisë së qytetit Stara Zagora hapet më 10 qershor në mbrëmje. Të gjitha veprimtaritë do të mbahen në të hapur në zemrën e qytetit antik..

botuar më 21-06-10 6.55.PD

Filarmonia “Pioner” “krah për krah” me Filarmoninë e Sofjes

"Krah për krah" - kështu quhet projekti në të cilin muzikantët e dy orkestrave do të luajnë në një skenë. Ngjarja është pjesë e Festivalit Ndërkombëtar të Javëve Muzikore të Sofjes. Më 8 qershor në sallën “Bullgaria” të kryeqytetit publiku do të..

botuar më 21-06-07 3.24.MD

Ljudmill Angellov: Gëzohem se jam me publikun tim të dashur bullgar

Në fillim të karrierës së tij mbresëlënëse Ljudmill Angellov fitoi një numër çmimesh nga gara prestigjioze ndërkombëtare - "Frederic Chopin" (Poloni), Palm Beach (SHBA), Piano Masters (Monte Carlo) dhe World Piano Masters Tour (Francë). Ai ka dhënë..

botuar më 21-06-07 11.23.PD