Radioja Kombëtare Bullgare © 2021 Të gjitha të drejtat janë të rezervuara

Eko-katamaran do të shëtisë turistët nëpër Gjirin e Burgasit

Foto: RKB-Burgas

Një katamaran i ri u transportua në tokë nga uzina në Carevo deri në portin e qytetit Burgas që të prezantohet për herë të parë në festën e portit më 18 maj. Gjatë muajve të ardhshëm ai do të argëtojë turistët duke i sjell ata nëpër Gjirin e Burgasit në realizimin e programeve të ndryshme. Qyteti turistik bregdetar shpreson që në këtë mënyrë të larmojë gamën e atraksioneve turistike si qytetet e tjera të njohura turistike në gjithë botën.

“Eko-katamarani u ndërtua sipas projektit evropian “Lundrim përmes Detit të Zi” në kuadrin e Programit Operativ “Pellgu i Detit të Zi 2014-2020”. Beneficienti nuk është Porti Burgas, por shoqata jofitimprurëse “Gllarus”. Kjo është ena e parë lundruese e këtij lloji në Bullgari. Katamarani është hibrid, gjë që do të thotë se mund të vihet në lëvizje me një motor nafte dhe me energji elektrike përmes paneleve diellore dhe baterive të cilat janë të montuar në sipërfaqen e tij, kështu që është miqësor ndaj mjedisit. Kapaciteti i tij është 28 udhëtarë” – mësojmë nga Katja Nikollova, zëdhënëse e Portit Burgas.


Kostoja e projektit është 1 237 786,24 euro dhe partnerë të tij të huaj janë administrata e portit të qytetit grek Aleksandrupolis dhe Qendra Ndërkombëtare për Studime Sociale dhe Analizë të Politikave në Gjeorgji.

Ka për tu hartuar 6 itinerare të reja turistike detare me aksent mbi trashëgiminë kulturore të Pellgut të Detit të Zi. Fillimisht eko-katamarani do të vozisë turistë vetëm në Gjirin e Burgasit. Gjatë kësaj vere miqtë e qytetit detar do të mund të bëjnë shëtitje me të deri në qytetet piktoreske bregdetare me histori të pasur dhe me arkitekturë të ruajtur Nesebër dhe Sozopoll. Njeri prej itinerareve arrin deri te ishulli Shën Anastasija, ku në të kaluarën bashkëjetuan njeri pran tjetrit një burg dhe një manastir murgeshe, ndërsa sot është një nga atraksionet më të vizituara turistike në rajon. 

Kur nuk realizon udhëtime turistike, eko-katamarani do të eksplorojë thellësitë e pellgut të Detit të Zi për cilësinë e ujit, njoftojnë nga Porti Burgas.

Përgatiti në shqip: Svetllana Dimitrova

Foto: RKB-Burgas

Më shumë nga rubrika

Një shëtitje nëpër rrugën MoMa në zemër të malit Sredna Gora

Staro Zhelezare prej kohe ka lavdinë e një fshati artistik, i cili është kthyer në një pjesë nga një projekt i madh artistik. Këtu thjesht mund të parkosh makinën në mejdan dhe të zhytesh në një botë surrealiste, në të cilën e pamundura materializohet..

botuar më 21-08-01 10.25.PD

Pamporovo bëhet një destinacion për turizëm mjekësor

Ski pushimorja Pamporovo prej viteve tërheq turistë jo vetëm gjatë periudhës së dimrit, por dhe gjatë muajve të ngrohtë me spa qendrat e veta moderne, me pishinat në të hapur, si dhe me mundësitë për sport dhe shëtitje me këmbë në malet Rodopi. Por, që..

botuar më 21-08-01 8.05.PD

Në Aeroportin e Sofjes do të hapet një laborator Covid për udhëtarët

Pas disa ditësh në Terminalin 2 në Aeroportin e Sofjes do të hapë dyer një laborator i specializuar Covid. Të gjithë kalimtarët do të mund të bëjnë test PCR, test të shpejtë të antigjenit dhe teste të tjera. Testi PCR do të jetë gati brenda 2..

botuar më 21-07-30 2.38.MD