Certifikata e BE-së për Covid-19 nuk duhet të çojë në diskriminim

Qëllimi i miratuar për zvogëlimin e gazrave të serës me 55% deri në 2030 e vë Bullgarinë në një pozitë të vështirë, tha Presidenti Rumen Radev duke hyrë në Këshillin Evropian në Bruksel. "Në këtë situatë mundësitë e Bullgarisë për manovrim janë jashtëzakonisht të kufizuara. Prandaj, ne do të këmbëngulim për të marrë parasysh specifikat e shteteve të veçanta dhe startin e ndryshëm të vendeve anëtare. Do të insistojmë gjithashtu për futjen e masave të cilat ta mbrojnë konkurrencën dhe ta sigurojnë tolerancën sociale të tranzicionit të gjelbër, "tha ai.

Me rastin e diskutimit të certifikatës unike për Covid-19, Radev tha se dokumenti nuk duhet të krijojë pengesa dhe detyrime të reja dhe të çojë në diskriminimin e qytetarëve evropianë.

Testet për Covid-19 në greqisht vendosën turistë bullgarë nën një karantinë 10-ditore

Shtetas bullgarë që ktheheshin nga një udhëtim i organizuar në Greqi u vunë nën karantinë 10 ditore për shkak të testeve për Covid-19 në gjuhën greke të cilat ata i paraqitën para autoriteteve shëndetësore në pikën kufitare “Kullata”. Këtë e njoftoi Inspektorati Shëndetësor Rajonal në qytetin Bllagoevgrad.

“Punonjësit tanë kryen punën e tyre mirë. Ne nuk duhet të dimë greqishten”, theksuan nga inspektorati shëndetësor.

Në një urdhër të Ministrit të Shëndetësisë theksohet që me të hyrë në Bullgari, si bullgarët ashtu edhe shtetasit e vendeve të tjera të BE duhet të paraqesin teste negative PCR ose antigjeni, të shkruara në latinisht dhe të kryera në laboratorë të licencuar.

Të kuruarit janë katër herë më shumë sesa të infektuarit me Covid-19

Për të dytën ditë me radhë rastet e reja të koronavirusit janë 81, sipas Portalit të Unifikuar të Informacionit. 1.78% janë mostrat pozitive nga 4550 testet e kryera. Numri më i lartë i njerëzve të infektuar është në Varna - 14, në Silistra - 8, në Vidin - 7. Në Vraca, Dobriç, Kërdxhali, Montana, Pernik, Razgrad, Smoljan, Tërgovishte dhe Shumen nuk ka raste të reja.

Pacientët aktivë të regjistruar janë 25 511. 3781 pacientë janë të shtruar në spital. 406 ishin infektuar në kujdesin intensiv. 318 persona u kuruan. 17 njerëz me koronavirus vdiqën.

5172 vaksina janë dhënë në 24 orët e fundit. Numri i të vaksinuarve me të paktën një dozë është 1 265 855. Ata të imunizuar me të gjitha dozat janë 504 932.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.

Përpiloi: Joan Kolev dhe Ekipi “Lajme”

Përgatiti në shqip: Vesella Mançeva dhe Svetllana Dimitrova