Radioja Kombëtare Bullgare © 2021 Të gjitha të drejtat janë të rezervuara

Një udhëtim muzikor nëpër Itali në qendër të Sofjes

Ermilla Shfajcer dhe Srebrina Mineva
Foto: Facebook /Srebrina Mineva

Italia, romantike dhe e bukur- е tillë do të na paraqitet nga këngëtarja e operës Srebrina Mineva dhe pianistja Ermilla Shfajcer në koncertin e vet më 29 qershor në Muzeun e kryeqytetit “Boris Hristov”. Dhe për të mos fshehur asnjë nuancë apo imazh i çastit nga vëmendja e publikut, aktori Rashko Mlladenov do të përshkruajë me fjalë La Bella Italia përmes përkthimit të arieve dhe këngëve.  

Vepra të Belinit, Maskanit, Tostit dhe Ferarit kanë zgjedhur muzikantët për shfaqjen e tyre të dhomës në kuadër të Festivalit të 17 të Arteve "Boris Hristov".

 “U munduam të zgjedhim vepra, të cilat janë shumë të bukura dhe elegante -thotë sopranoja Srebrina Mineva. Pjesa më e madhe prej tyre nuk janë kaq shpesh të interpretuara tek ne, por mendojmë se do të pëlqehen nga publiku. Të tilla janë për shembull katër këngët në ciklin “Rispetti” të Ermanno Wolf-Ferrari - varg të bukura, përshkruese dhe emocionuese (“rispetti” do të thotë pikërisht kjo). Kurse përmes këngëve të Francesco Paolo Tosti do të rikujtojmë anën operistike të Italisë, sepse ato përmbajnë në vetvete dhe këtë stilistikë”.

Srebrina Mineva dhe Ermilla Shvajcer jo rastësisht ndalen mbi një program krejtësisht italian. Srebrina ka një master në këndimin e operës tek Maurizio Torelli, drejtor i Institutit Kombëtar “Françesko Paolo Tosti “në Ortona, kurse Ermilla ka punuar si një pedagoge dhe shoqëruese në piano në Operën e Cyrihut dhe në Fondacionin për këngëtarë të rinj të operës të Elisabeth Schwarzkopf. Të dyja e gjejnë njëra tjetrën në Departamentin e “Muzikës” në Universitetin e Ri Bullgar si studente dhe pedagoge dhe shumë shpejt pas kësaj bëhen partnere në bërjen e muzikës së dhomës. Srebrina Mineva aktualisht është pjesë nga korri i përzier i Radios Kombëtare Bullgare dhe nganjëherë këndon si soliste, derisa Ermilla Shfajcer shoqëron nëpër koncertet vokale dhe u jep mësim studentëve në Akademinë Kombëtare Muzikore dhe në Universitetin e Ri Bullgar.

Përgatiti në shqip: Nataniela Vasileva

Foto: Facebook /Srebrina Mineva

Më shumë nga rubrika

Libër të mësoj, sukses të arrij

Dita e parë shkollore gjithnjë është një festë për mësuesit, nxënësit dhe familjet e tyre. Edhe fëmijët e rritur të zhytur në problemet e tyre adoleshente emocionohen, zgjedhin me kujdes veshjet e tyre dhe natyrisht blejnë lule për mësuesit e tyre..

botuar më 21-09-15 3.59.MD
Valerij Gergiev

Valerij Gergiev drejton Orkestrën Filarmonike të Sofjes në një koncert bamirësie

Në nismën për të ndërtuar një kompleks të ri muzikor në vendin tonë përfshihet dirigjenti Valerij Gergiev - një nga muzikantët më me ndikim të kohës sonë. Koncerti bamirës është më 10 shtator në orën 20:30. Solistët e Orkestrës Simfonike të Teatrit..

botuar më 21-09-10 4.37.MD

“Gjëmon Marica” – himni i Bashkimit të Bullgarisë

Ditën e Bashkimit të Bullgarisë tingëllon pa ndryshim një nga këngët emblematike të dekadave të fundit të shekullit XIX – një kohë në të vërtetë heroike për Bullgarinë. Këngën “ Gjëmon Marica ” e kënduan vullnetarët bullgarë, opëllçenas, në..

botuar më 21-09-06 6.00.PD