Ministria e Jashtme Bullgare dënoi ashpër aktin e vandalizmit kundër Konsullatës së Nderit të Serbisë në Plovdiv. Gjuha e urrejtjes kundër çdo shteti dhe shtetasve të tij, si dhe fyerja dhe shkaktimi i dëmit material në misionet e huaja, janë në kundërshtim me vlerat demokratike dhe në shkelje të ligjit ndërkombëtar, theksohet në pozitë. Ministria ka besim se autorët do të gjenden dhe do të vihen nën përgjegjësi ndërsa marrëdhëniet dypalëshe me Serbinë do të vazhdojnë të zhvillohen në një frymë fqinjësie të mirë dhe miqësie.

Lidhur me fyerjen e shkruar në latinisht, Ministria e Jashtme Serbe theksoi se “ky nuk është një provokim bërë nga qytetarë bullgarë, pasi vendet dhe popujt tanë kanë vendosur një nivel të lartë besimi dhe marrëdhënie miqësore”.