Zhvillimi i Bullgarisë, bashkëpunimi rajonal, e ardhmja e Evropës dhe roli i të rinjve në jetën publike dhe politike u diskutuan në Sofje nga Nënpresidentja Ilijana Jotova dhe 40 të rinj nga katër vende - Shqipëria, Bullgaria, Kosova dhe Maqedonia Veriore.

Ata janë pjesëmarrës në forumin ndërkombëtar "Rinia aktive për shoqëritë e prosperuara", organizuar nga Shkolla Bullgare e Politikës "Dimitër Panica". Qëllimi i forumit është të promovojë bashkëpunimin rajonal midis të rinjve dhe të zhvillojë aftësitë e tyre drejtuese.

Jotova theksoi se Bullgaria është ndër mbështetësit më të mëdhenj të së ardhmes evropiane të rajonit të Ballkanit Perëndimor. Ajo kujtoi se gjatë Presidencës bullgare të Këshillit të BE-së vendi ynë ktheu në agjendën evropiane çështjen e integrimit evropian të Ballkanin Perëndimor.