Radioja Kombëtare Bullgare © 2021 Të gjitha të drejtat janë të rezervuara

Ne votuam për ndryshim, por çfarë ndryshimi?

Populli bullgar po vazhdon të kërkojë rrugën e vet drejt ndryshimit, tregojnë rezultatet nga votimi parlamentar përpara afatit më 11 korrik. Prandaj dhe pyetja të cilën e drejtuam përsëri drejt të gjithëve me të cilët biseduam  në ditën e zgjedhjeve është - si duhet të ndryshojë Bullgaria pas votimit?

“Pres një Bullgari më të mirë, e cila do të më bëjë të mendohem nëse nuk është më mirë që të kthehem” - vuri në dukje Daniell Dimov nga qyteti gjerman Dusseldorf dhe shtoi:

“Bullgaria, e cila nuk zë vendet e fundit në të gjitha klasifikimet në Evropë dhe në Bashkimin Evropian. Mendoj se politikanët e panë dëshirën e njerëzve për ndryshim akoma që në protestat antiqeveritare vjet. Pavarësisht nga partia, në të cilën anëtarësojnë , që të gjithë ata e dinë se, shikojmë në detaje se çfarë rastis dhe  nëse dhe si e bëjnë punën e tyre. Prandaj jam i inkurajuar se, do të ketë rezultat dhe se do të lëvizim drejt një Bullgarie më të mirë”.

Daniell niset për në Gjermani akoma duke qenë 12 vjeç, duke ndjekur prindërit e tij, por në këtë etapë është kategorik : “Aktualisht në Gjermani është zgjedhje më e mirë, për shkak të arsimit, punës, cilësisë së jetës. Ka sektorë të tërë në Bullgari, të cilët mund të përmirësohen - duke filluar nga shëndetësia, ekonomia, madje dhe ai social.

Sipas Gabriela Bençeva nga Nuremberg, Gjermani, akoma pas zgjedhjeve parlamentare gjatë muajit prill është bërë e qartë se, të dyja partitë drejtuese janë në ty dyja polet. Ndonjë farë bashkimi është i mundur vetëm nëse tërhiqen ekspertë, të cilët t’u simpatizojnë partive të protestave: “Atëherë mendoj se, do të mundet në emër të Bullgarisë dhe të kërkimit të ndonjë farë vendimi kuptimplotë të arrihet deri në ndonjë farë konsensusi. “

Pronari i një pastiçerie në qytetin turk Bursa Ahmed Kudrjakli ka lindur në rrethin e qytetit Ruse dhe voton në të gjitha zgjedhjet parlamentare deri në këtë moment. “Votuam për demokracinë, për unitetin, për të drejtat e barabarta për etnoset.”

Sipas Irena Angjellovës nga Çekia bullgarët janë të kënaqur nga ndryshimi i bërë në rregullat zgjedhore, por presin akoma: “Në vend të dytë , ngritjen e rrogave të njerëzve, të ketë mjaft punë, investime më të shumta nga jashtë. Në vend të tretë është shëndetësia - e cila duhet të jetë krejtësisht falas  për të gjithë, siç është këtu. Pensionistët bullgarë japin shumë para për ilaçe, që pothuajse u harxhon të gjithë pensionin. Shumë njerëz vijnë jashtë, sepse nuk mundin të realizohen në Bullgari. “

Që të jetojmë në një Bullgari të re, si fillim është e domosdoshme të ndryshojmë mënyrën në të cilën punon parlamenti – është kategorik Zhulien Zhelev, vullnetar për zgjedhjet nga kryeqyteti austriak.

“Aktiviteti legjislativ i parlamentit të 46-të duhet të kthejë debatin që ecën  me një republikë parlamentare. Me fjalë të tjera të ketë një kontakt të drejtpërdrejtë me zgjedhësin dhe me komentet e tij mbi propozime të caktuara, të mos pranohen ligje sa për të thënë. Topi do të jetë krejtësisht në shumicën e re në parlament. Tek zgjedhësi vihet re një lodhje nga zgjedhjet e shpeshta”.

Zhelev është i mendimit se është më mirë që të formohet qeveri-“nuk duhet të tallemi me punën dhe përpjekjet, të bëra nga ana e vullnetarëve zgjedhor, të cilët për herë të dytë në kuadrin e disa muajve ndajnë nga koha dhe nga forcat e veta, që të mund të organizojnë votimin jashtë kufirit”. Në pozitën e kundërt është një vullnetare tjetër në zgjedhjet - Nadezhda Stojanova-Litëll, e cila prej viteve jeton në Boston - Shtetet e Bashkuara. Mes çështjeve më të dhimbshme përpara drejtuesve të rinj ajo nxjerr shëndetësinë:

“Bullgaria po vazhdon të jetë me pragun më të ulët të vaksinimit në Bashkimin Evropian. Për mua kjo vjen nga kaosi, i cili u krijua, nga mungesa e besimit në qendrat shkencore, të cilat dëshmojnë se përse vaksina është  shpëtimi i jetës.”

“Unë e kam të qartë se gjërat nuk do të ndryshojnë me një shkop magjik-përgjithëson Denica Sekuliçka nga Sllovakia. Si tërësi do të doja që Bullgaria të jetë një vend pak më i qetë dhe i rregulluar për të jetuar, me më pak korrupsion dhe kriminalitet, me një ekonomi më të stabilizuar.”

Mbi këtë material punuan: Diana Cankova, Joan Kolev, Darina Grigorova, Miglena Ivanova dhe Gergana Mançeva

Përgatiti në shqip: Nataniela Vasileva


Më shumë nga rubrika

U botua një abetare bullgare për fëmijët dygjuhësh

"Po lexojmë me Asjan dhe Javorin" është emri i abetares së parë për nxënësit me gjuhë amtare të ndryshme nga bullgarishtja dhe për ata që kanë vështirësi në lexim në shkollën fillore. Abetarja është e përshtatshme për fëmijët bullgarë që rriten..

botuar më 21-09-22 3.09.MD

Procedura për lëshimin e certifikatave të shtetësisë bullgare është përshpejtuar

Për tre muajt e verës gjatë qeverisjes së kabinetit teknik u shërbyen 7600 persona, të cilët morën certifikatat e tyre për shtetësinë e fituar bullgare. Ndërsa për gjithë vitin 2020 certifikatat e lëshuara ishin 5500. Këtë e tregoi si një sukses të..

botuar më 21-09-21 1.27.MD

Bullgarët në mbarë botën mbështesin kauza bamirëse për të ndihmuar bashkatdhetarët në vendin tonë

Aftësia ose vetëm dëshira të ndihmosh dikë të bënë të ndihesh i rëndësishëm. Por, jo në atë “kuptim televiziv” sa përpara kamerave, siç thuhet, por në shpirtin dhe në zemrën tënde. Altruizmi është një vendim i thellë personal dhe me siguri nuk..

botuar më 21-09-21 1.06.MD