Shumë nga shokët e mi të cilët vijnë në Bullgari e adhurojnë Sofjen. Prandaj doja që të bëja diçka, përmes së cilës në të gjithë botën të mund të shikojnë bukurinë e qytetit tonë - thotë violinisti me famë botërore Vasko Vasilev për dëshirën, e cila e ka provokuar të realizojë projektin e tij të ri. Mes vendndodhjeve, të fotografuara në videot e shkurtra janë vendet emblematike për qytetin tonë si mali Vitosha, Teatri Popullor “Ivan Vazov”, Ura e Luanëve, kisha katedrale “Shën e Diela”, kisha-rotondë “Shën Gjergji”, katedralja katolike “Shën Josifi”, Pallati Kombëtar i Kulturës, godina e Muzeut Historik Regjional në Sofje. Projekti realizohet me ndihmën e Bashkisë së Kryeqytetit. Videoja e parë, e cila gërsheton panorama nga Sofja me muzikën e Franz Scubertit, tanimë është e pranishme në video kanalin zyrtar të muzikantit.

Përgatiti në shqip: Nataniela Vasileva