Radioja Kombëtare Bullgare © 2021 Të gjitha të drejtat janë të rezervuara

Qeveritë e përkohshme zakonisht çojnë në ngecje ekonomike

Foto: arkiv

Qeverisje e qëndrueshme apo zgjedhje të shpeshta në të ardhmen e parashikueshme - kjo dilemë, e cila u ngrit pas zgjedhjeve të parakohshme parlamentare, së shpejti do të gjejë zgjidhjen e saj. Ndërkohë, prof. Biser Georgiev nga Universiteti i Shumenit "Peshkopi Konstantin Presllavski" na kthen në vitet e pasçlirimit, duke ndjekur mënyrën se si qeveritë me afate të shkurtra kanë ndikuar në planin shoqëror dhe ekonomik të vendit tonë.

"Ka disa momente të rëndësishme në të cilat shfaqen qeveritë е përkohshme me një shumicë të pasigurt dhe të përbërë nga shumë parti,"  tha para BNR-Shumen historiani. - Zakonisht këto qeveri formohen në vitet më kritike, në aspektin politik, të zhvillimit të shoqërisë sonë. Këto janë kohërat kur ka një kataklizëm, një krizë ose një ndryshim të përgjithshëm. Një shembull i kësaj është i ashtuquajturi grusht shteti i princit të parë bullgar Aleksandër I Batenberg, i cili më 27 prill 1881 rrëzoi Kuvendin Popullor të zgjedhur ligjërisht, dhe qeverinë e liberalëve. Në vendin tonë u formua një qeveri jo vetëm me pjesëmarrje ruse, por me Kryeministër gjen. Casimir Ehrnrooth (oficer dhe administrator finlandez i dërguar për të punuar në Perandorinë Ruse). Ky kabinet ka qeverisur vetëm për disa muaj dhe ilustron një nga ndryshimet dramatike në shoqërinë bullgare."

Të ngjashme në plan politik janë edhe qeveritë e formuara pas rrëzimit me forcë të Princit Aleksandër Batenberg I në vitin 1886.

Ato janë drejtuar nga Mitropoliti Klementi nga Partia Konservatore dhe nga politikani liberal Petko Karavellov. Statistikat historike tregojnë se këto janë qeveritë të cilat e kanë drejtuar Bullgarinë për periudhën më të shkurtër. E para ka ekzistuar zyrtarisht për 3 ditë, nga 9 deri më 12 gusht 1886, dhe e dyta – e Petko Karavellovit ka pasur një jetë 4 ditore - nga 12 deri më 16 gusht, të njëjtin vit. Ditët e pakta të jetës së qeverive nuk janë kurioziteti i vetëm - disa nga ministrat nuk kanë arritur të mbërrijnë në kryeqytet, ndërsa disa të tjerë madje nuk kanë kuptuar për emërimin e vet.

Një shembull i qeverisjes afatshkurtër në kohë krizash  është gjithashtu qeveria e dytë e Todor Ivançovit, e emëruar në vitin 1900 me dekret të Princit Ferdinand, e cila zgjati më pak se dy muaj. Kryeministri i sapozgjedhur ka qeverisur në emër të Partisë Liberale, megjithëse ajo është drejtuar nga Vasill Radosllavov – për shkak të përpjekjeve të Princit për të përçarë organizatën politike. "Në kohën për të cilën po flasim, Bullgaria, me përpjekje të mëdha dhe duke ndërruar disa qeveri të përkohshme, ka arritur të marrë një hua të jashtme dhe të shmangë falimentimin – falimentim ky që Greqia nuk arriti ta shmangte disa vjet më parë," shtoi profesori. Situata ka qenë aq kritike saqë një prej qeverive nuk ka qenë në gjendje të paguajë pagat e zyrtarëve të saj.

"Qeveritë kalimtare zakonisht shkaktojnë ngecje ekonomike," tha Biser Georgiev. - Kataklizma të tilla ndodhin pikërisht në periudhat historike në të cilat keqkuptimet midis politikanëve të veçantë çojnë në një kthim shumë serioz ekonomik. Sidoqoftë, nuk është e nevojshme të shkohet në zgjedhje të reja. Zakonisht ky është një vendim i keq, sepse harxhohen shumë mjete nga njerëzit që nuk varen nga Parlamenti."

Në momente të vështira historike partitë harrojnë paragjykimet e tyre politike dhe bashkohen rreth qëllimit të madh për prosperitet të kombit, na kujton historiani përvojën e së kaluarës. Kështu, pas tërheqjes së Bullgarisë nga Lufta e Parë Botërore, organizata politike me pikëpamje të ndryshme formuan dy qeveri të koalicionit. Njëra - e Aleksandër Malinovit, zgjati tre muaj menjëherë pas luftës, dhe tjera - e Teodor Teodorovit, qëndroi në pushtet për gati një vit dhe arriti të kapërcejë situatën më të vështirë për vendin tonë, kur madje nuk ka pasur ushqim të mjaftueshëm për popullsinë.

Përpiloi: Diana Cankova (sipas intervistës së Zdravka Rusevës, BNR – Shumen)

Përgatiti në shqip: Vesella Mançeva

Më shumë nga rubrika

Të krishterët nderojnë Shtatë Shenjtorët dhe Shën Pantalejmonin

Më 27 korrik Kisha Ortodokse Bullgare nderon shëruesin Shën Pantelejmonin dhe veprën e Shtatë Shenjtorëve , dishepujt e apostujve Shenjtorët Kiril dhe Metodi - Klementi , Naum, Sava, Gorazd dhe Angelari. Tradicionalisht, kisha nderon..

botuar më 21-07-27 10.57.PD

Vidin – qyteti evropian danubian me histori të pasur

Dëshmi për ekzistencën dhe zhvillimin e qytetit të sotëm Vidin ka që nga koha romake. Një fortesë me emrin “Bononija” kishte një rëndësi strategjike për perandorinë, ndërsa më vonë u shërbente bizantinëve për t’i bërë ballë pushtimeve të fiseve sllave...

botuar më 21-07-26 12.51.MD

118 vjet nga fillimi i Kryengritjes së Ilindenit

Më 20 korrik Kisha Ortodokse Bullgare nderon kujtimin e Profetit Ilija. Këtë ditë festojnë gëzoftarët, samarxhinjtë, furrtarët dhe zjarrfikësit. Më 20 korrik shënohet gjithashtu fillimi i Kryengritjes së Ilindenit nga viti 1903 të bullgarëve në..

botuar më 21-07-20 12.26.MD