Më 7 gusht 1981 në orën 13:35, nga hapësira kozmike “Plaseck” në Rusi u lëshua sateliti i parë artificial bullgar "Interkozmos Bullgaria – 1300. Ai është i njohur gjithashtu si "Interkozmos 22", dhe lëshimi i tij në orbitë i është kushtuar 1300 vjetorit të themelimit të shtetit bullgar.
Sateliti është një prodhim vendas, i zhvilluar nga Instituti për Studime dhe Teknologji Kozmike në Akademinë Bullgare të Shkencave, bazuar në platformën për satelite “Meteor”, dhe peshon 1.500 kg. U lëshua në një orbitë pothuajse polare me një lartësi prej rreth 900 km, me një kompleks prej 11 instrumentesh shkencore bullgare për matjen e plazmës dhe studimin e ndërveprimeve jonosferike-magnetosferike, si dhe me një reflektor lazer për matjet gjeodezike.
Dy vjet më parë vendi ynë pati një sukses tjetër të madh kozmik - në bordin e anijes kozmike “Sojuz 33”, më 10 prill 1979, kozmonauti i parë bullgar Georgi Ivanov fluturoi në kozmos. Së bashku me rusin Nikollaj Rukavishnikov ai kaloi dyzet e shtatë orë dhe një minutë në orbitën e Tokës.
Bullgaria është vendi i gjashtë në botë me astronautë të vet në hapësirën e jashtme dhe i treti që krijon ushqim në kozmos.
Mund të lexoni më shumë për arritjet kozmike bullgare në publikimin nga koleksioni i Radio Bullgarisë - “Kozmonauti Aleksandër Aleksandrov: Që të kemi kozmonaut të tretë na duhet të kemi një ekonomi të fortë”.
Përpiloi: Elena Karkallanova
Përgatiti në shqip: Vesella Mançeva
Për të 15-in vit radhazi, Pelegrinazhi "Mrekullibërësi i Rilës" mbledh besimtarët ortodoksë nga afër dhe nga larg në një procesion litium nga Sofja deri në Manastirin e Rilës. Në faqen e saj të internetit Mitropolia e Shenjtë e Sofjes njofton se..
Më 27 korrik, Kisha Ortodokse Bullgare dhe populli lavdërojnë veprën e Shtatë Shenjëtorëve - Vëllezërve Kirill dhe Metodij dhe dishepujve të tyre shenjtorët Kliment, Naum, Sava, Gorazd dhe Angellarij . Dita u zgjodh nga kisha sepse më 27..
Më 25 korrik, Kisha Ortodokse Bullgare nderon Fjetjen e Anës - shenjtores që lindi Marinë, e cila është nëna e ardhshme e Jezu Krishtit. Shën Anna konsiderohet mbrojtëse e martesës, familjes dhe mëmësisë, si dhe mbrojtëse e virgjëreshave, të..
Sot, më 28 gusht, në shumë rajone të vendit tonë, bullgarët kremtojnë Fjetjen e Hyjlindëses sipas stilit të vjetër, së bashku me pothuajse të gjithë..