Programi i ditës

Radioja Kombëtare Bullgare © 2021 Të gjitha të drejtat janë të rezervuara

Për vizitë në Muzeun Etnografik dhe Arkeologjik në qytetin Ellhovo

Foto: ilovebulgaria.eu

I krijuar gjatë vitit 1958, Muzeu Etnografik dhe Arkeologjik në qytetin Ellhovo tërheq turistë me disa ekspozitat e përhershme, të vendosura në godina të ndryshme. Mes tyre është ekspozita, e cila ka ruajtur trashëgiminë e pasur etnografike të këtij rajoni juglindor të vendit. Është paraqitur dhe shumëllojshmëria e veshjes së gruas në krahinën e qytetit Ellhovo - një nga veshjet me më shumë ngjyra dhe me qëndisje më të larmishme nëpër tokat tona, një krenari e vërtetë për banorët vendas.  

Jo më pak emocionues është dhe takimi me thesaret e paçmuara arkeologjike, të zbuluar në Bullgarinë Juglindore dhe përgjatë lumit Tunxha. Një interes të veçantë shkakton një shufër tepër e veçantë bakri.  

“Ajo është nga periudha e epokës së vonë prej bronzi (shekulli i 14-12 përpara lindjes së Krishtit) - tregon në një intervistë për Radion Kombëtare Bullgare, kuratorja kryesore e muzeut në qytetin Ellhovo, Dobrinka Kostova. Shufra është në formën e lëkurës së kaut të shtrirë. Ajo është e përsosur dhe e ruajtur shumë mirë. Tek ne janë gjendur akoma tri artefakte të ngjashme, por në ndryshim të tjerave, shufra nga Ellhovo, në mënyrë të përsosur ka ruajtur formën e vet. Është përdorur për këmbim si një njësi para monedhave. Kjo shufër prej bakri shpesh herë prezantohet në ekspozita ndërkombëtare, por tani ndodhet në Ellhovo, bashkë me gjetje të tjera tepër të veçanta.” 

Mes gjetjeve të reja është dhe një kuti me instrumente mjekësore, e cila do të eksponohet në Institutin Kombëtar Arkeologjik me një Muze pranë Akademisë Bullgare të Shkencave. 

“Instrumentet e dikurshme kanë pothuajse të njëjtën pamje si ato modernet-sqaron kuratorja. - Janë të punuara prej bronzi dhe kanë shërbyer për pastrimin e plagëve dhe për manipulime të ndryshme. Njohuritë për anatominë e njeriut datojnë akoma nga lindja e historisë njerëzore. Pak nga pak njerëzit kanë filluar të punojnë instrumente, të përdorin kurat natyrale, kurse më vonë dhe elementet e ndryshme kimike. Kutia mjekësore në fjalë është zbuluar gjatë vitit 2008 në  një varrim në fshatin Borisovo, rrethi i qytetit Ellhovo.” 

Në Ellhovo, qyteti i lindjes i aktorit Vellko Kënev, do të zbuloni dhe një sallë të posaçme e cila i përkushtohet aktorit. Sipas zonjës Kostova, kjo është ekspozita e vetme e përhershme, e krijuar në qytetin e lindjes së këtij artisti bullgar. Koleksioni i muzeut na jep mundësi të hedhim një vështrim në jetën e krijuesit të njohur, të dashur prej brezave të ndryshëm bullgarësh, dhe të rikujtojmë rolet e tij të shkëlqyera.  

Në mesin e muajit shtator, tregon akoma Dobrinka Kostova, Muzeu Etnografik-Arkeologjik do të jetë mikpritës i një ekspozite të përkohshme, e cila prezanton gjetje, të zbuluara gjatë gërmimeve të qytezës trako-romake në fshatin Strojno

Përpiloi: Joan Kolev 

Përgatiti në shqip: Nataniela Vasileva 

Foto: ilovebulgaria.eu


Më shumë nga rubrika

Pilotët bullgarë shënojnë festën e tyre profesionale më 16 tetor

Një arritje e jashtëzakonshme luftarake e pilotëve bullgarë jep shkak për të shpallur 16 tetorin si Dita e Aviacionit dhe Forcave Ajrore Bullgare. Në këtë ditë gjatë vitit 1912, disa ditë pas shpërthimit të Luftës së Parë Ballkanike, piloti Radull..

botuar më 21-10-16 8.05.PD

Kisha “Shën Paraskeva” shkëlqen përsëri pas njëqind vitesh përmes duarve mjeshtërore të një piktoreje ruse

Elena Adamova është një artiste nga Shën Petersburgu, për të cilën piktura është thelbi i rrugës së saj shpirtërore. Në Bullgari e sjellë dashuria e saj ndaj një bullgari, i cili është bërë dhe bashkëshorti i saj përpara 41 vjetëve. Fillon të..

botuar më 21-10-14 10.44.PD

150 vjet nga përkthimi i Biblës festojnë në qytetin Kjustendill

“Gjuha bashkëkohore letrare bullgare është imponuar në sajë të përkthimit të Biblës nga Petko Sllavejkovi. Ivan Vazovi e ka quajtur librin shkollor i cili ka formuar gjuhën tonë letrare”, vë në dukje Mihaill Gërkov, një nga bashkautorët e librit..

botuar më 21-10-03 7.25.PD