Programi i ditës

Radioja Kombëtare Bullgare © 2021 Të gjitha të drejtat janë të rezervuara

Mbështetja për "Po e vazhdojmë ndryshimin" do të vijë nga zgjedhës të ndryshëm ideologjikisht

Foto: BGNES

Formacioni i ri politik rreth ish-ministrave të financave dhe të ekonomisë në qeverinë e dytë teknike të Rumen Radevit deklaroi dëshirën e vet të jetë një nga faktorët në përbërjen e ardhshme të Kuvendit Popullor. Dëshira e tyre për të vazhduar ndryshimin e filluar në 4 muajt e fundit, është në thelbin e emrit të partisë së Asen Vasilevit dhe Kirill Petkovit – “Po e vazhdojmë ndryshimin”. Gjatë prezantimit të saj përpara gazetarëve, të dy ishin kategorikë se ajo nuk është dhe nuk do të jetë një parti presidenciale, por shprehën përkrahjen e vet për një mandat të dytë të Rumen Radevit, për shkak të lirisë së plotë me të cilën kanë disponuar gjatë mandatit të vet si ministra. 

Cilët do të jenë hapat e ardhshëm të “Po e vazhdojmë ndryshimin” mbeti e paqartë, përveçse që të mund të marrë pjesë në zgjedhjet e caktuara për më 14 nëntor, ata do të kenë nevojë për një regjistrim të një subjekti ekzistues politik. Bisedime në këtë drejtim po zhvillohen me disa parti, por në konferencën e shtypit ato nuk u përmendën. Që këtu fillojnë dhe pyetjet, të cilat janë të lidhura si me emrin e mbajtësit të mundshëm të mandatit, kështu dhe me njohjen e tij midis votuesve bullgarë.

Analiza e politologut nga qendra studimore “Trend” Dimitër Ganev tregon se një përkrahje elektorale për partinë e dy ish-ministrave, mund të vijë prej disa vendeve: 

Dimitër Ganev

“Një e treta nga përkrahësit e Petkovit dhe të Vasilevit do të vijë nga simpatizantët e zhgënjyer nga partia “Ka një popull të tillë” (ITN) - thotë Ganev. “Fotografia e çastit” tregon se pjesa më e madhe e njerëzve, të cilët e përkrahnin “Bullgarinë Demokratike” në dy zgjedhjet e fundit, mbeten përkrahës të saj. Sipas vlerësimeve tona të përafërta, mbase rreth 50-60 000 vota nga ish mbështetësit e “Bullgarisë Demokratike”, do të kalojnë drejt formacionit “Po e vazhdojmë ndryshimin”. Por, kjo nuk do të thotë se mund të presim këtë rezultat për Petkovin dhe Vasilevin në zgjedhjet e ardhshme, sepse formacioni i tyre tani do të fitojë një pamje gjithnjë e më të qartë.”

Ekonomisti Evgjenij Kënev është skeptik sa i përket kësaj derisa formacioni “Po e vazhdojmë ndryshimin” mundet të arrijë një rezultat mjaft të lartë, që të mund të jetë diçka më shumë se një parti e cila ka kaluar me sukses barrierën 4% për të hyrë në Kuvendin Popullor. Sipas fjalëve të tij, synimi i partisë së re është të përfitojë nga votat e votuesve të qendrës së majtë:

Evgjenij Kënev

“Kjo duket larg përpara se ata të shpallin qëllimet e veta të marrin pjesë në politikë - që nga deklarata e zotit Vasilev, në të cilën ai kërkoi që aktualizimi i buxhetit të jetë me një fokusim mbi pensionet  - sqaroi Kënev. Në vend të dytë ishte vizita e tyre në Termocentralin “Marica-Iztok 2”, ku përkrahën ruajtjen e minave. Prandaj po mendoj se, ata, si një prejardhje dhe mënyrë e të shprehurit, mund të përkojnë disi me “Bullgarinë Demokratike”, por njëkohësisht të synojnë një lloj tjetër elektorati. Mendoj se ata me të drejtë po synojnë drejt këtij vendi sepse ai politikisht është “jo i ngjeshur”. 

Politologu Ivan Naçev mendon se formacioni i ri ka një potencial të tërheqë dhe zgjedhës të shumtë, të cilët deri në fund nuk janë të sigurt në këtë se kush e meriton përkrahjen e tyre. Por, ama nga ana tjetër: 

Ivan Naçev

“Njerëzit të cilët do të votojnë për ta, janë njerëz, të cilët me të vërtetë duan disa gjëra të mund të rregullohen, dhe Bullgaria të fillojë të ngjajë si një shtet evropian - është i bindur Naçev. Tanimë 15 vjet jemi anëtarë të Bashkimit Evropian, dhe secili, që e njeh integrimin evropian, e di se në vitin e 10 pas aderimit madje shtetet më të varfra duken dhe zhvillohen shumë më mirë, sesa ne pas 15 vjetëve.”

Përpiloi: Joan Kolev 

Përgatiti në shqip: Nataniela Vasileva

Foto: BGNES, arkiv

Më shumë nga rubrika

Ngjarjet me adresë ballkanike

Rumania nominoi një veteran nga Iraku dhe Afganistani për kryeministër Presidenti rumun Klaus Johanis propozoi gjeneralin në pension Nikollae Çuka kryeministër të Rumanisë, transmetoi “Routers”. Kandidatura e re është një provë e..

botuar më 21-10-22 5.04.MD

Bullgaria pret inteligjencë dhe profesionalizëm nga shkencëtarët maqedonas

Komisioni i Përbashkët Bullgaro-Maqedonas për Çështje e Diskutueshme Historike takohet online më 21 dhe 22 tetor. Në takimin e 15-të, shkencëtarët do të diskutojnë përsëri temën për Mbretin Samuill dhe Goce Dellçev , tha për BGNES Prof. Angell..

botuar më 21-10-21 1.36.MD

Shqipëria është gati të fillojë bisedimet e pranimit në BE

Nuk ka asnjë shpjegim logjik se pse Shqipëria, e cila i ka përmbushur të gjitha kriteret dhe për të cilën ka unanimitet në Këshillin Evropian, të mos të fillojë bisedimet e anëtarësimit në BE. Kjo do të ishte një shenjë shumë pozitive për të gjithë..

botuar më 21-10-21 9.47.PD